Cəmiyyət - Presedenttv.com https://presedenttv.com/ tr Cəmiyyət - Presedenttv.com DataLife Engine İlk olaraq bu evlərə çıxarışlar veriləcək https://presedenttv.com/cemiyyet/1587-ilk-olaraq-bu-evlr-cixarislar-verilck.html https://presedenttv.com/cemiyyet/1587-ilk-olaraq-bu-evlr-cixarislar-verilck.html “Yüksək gərginlik xətləri altında, strateji obyektlərin yaxınlığında, meşə zolaqlarında və digər riskli ərazilərdə yerləşən tikililər istisna olmaqla, sənədsiz əmlaklara mülkiyyət hüququ verilməsi ölkə iqtisadiyyatı üçün də mühüm əhəmiyyət kəsb edir”.
Bunu Azərbaycan Qiymətləndiricilər Cəmiyyətinin (AQC) sədri Vüqar Oruc bildirib.
Onun sözlərinə görə, 2026-cı ildə bu istiqamətdə atılacaq addımlar iqtisadi aktivliyin artmasına, daşınmaz əmlak bazarının genişlənməsinə və ümumilikdə iqtisadi münasibətlərin inkişafına ciddi töhfə verə bilər:
“Hazırda sənədsiz əmlaklar nə alqı-satqı predmeti kimi, nə də girov kimi istifadə oluna bilir, həmçinin onların sığortalanması da mümkün deyil. Bu baxımdan, həmin obyektlərin rəsmiləşdirilməsi onların iqtisadi dövriyyəyə daxil olmasına şərait yaradacaq.
Lakin prosesin tam yekunlaşması üçün zaman tələb olunur, çünki eyni vəziyyətdə olan yüz minlərlə əmlak mövcuddur. Bu prosesi sürətləndirməyin əsas yolu isə genişmiqyaslı əmlak amnistiyasının tətbiqidir”.
AQC sədri əlavə edib ki, mərhələli yanaşmaya əsasən, ilk növbədə təhlükəli zonalarda yerləşməyən evlər sənədləşdiriləcək:
“Bütün əmlaklara avtomatik çıxarış verilməsi mümkün deyil, çünki bəzi tikililər neft quyularına, magistral yollara və ya digər riskli ərazilərə yaxın yerləşir. Bu kimi hallarda ya köçürülmə həyata keçiriləcək, ya da iqtisadi baxımdan daha məqsədəuyğun variant kimi risk faktorlarının aradan qaldırılması nəzərdən keçiriləcək.
Eyni zamanda, sovet dövrünə aid texniki pasportların, təsərrüfat kitablarından çıxarışların qəbul olunması da sənədləşmə prosesinin sürətlənməsinə mühüm təsir göstərəcək”. ]]> admin Sun, 05 Apr 2026 19:11:09 +0400 Bu gün şəhidimiz Vüqar Eyvazovun mövlud günüdür https://presedenttv.com/cemiyyet/1487-bu-gun-shidimiz-vuqar-eyvazovun-movlud-gunudur.html https://presedenttv.com/cemiyyet/1487-bu-gun-shidimiz-vuqar-eyvazovun-movlud-gunudur.html Bu gün — 24 yanvar tarixində Vətən uğrunda canından keçmiş şəhid Vüqar Eyvazovun mövlud günüdür. Presedenttv.com xəbər verir ki, Vüqar Eyvazov 24 yanvar 1989-cu ildə Naxçıvan Muxtar Respublikasının Kəngərli rayonunun Şahtaxtı kəndində anadan olub.
İlk təhsilini Naxçıvanda Akademik Zərifə xanım Əliyeva adına Şahtaxtı tam orta məktəbində alan Vüqar Eyvazov, 1996-cı ildə ailəsi ilə birlikdə Bakıya köçüb. Təhsilini paytaxtın Binəqədi rayonunda yerləşən 205 saylı orta məktəbdə davam etdirib və 2006-cı ildə həmin məktəbi bitirib.
Ali təhsil almaq məqsədilə Gəncə şəhərində yerləşən Azərbaycan Aqrar Universitetinə qəbul olunan Vüqar Eyvazov burada təhsil alaraq bilik və bacarıqlarını artırıb.
Daha sonra Azərbaycan Respublikasının Silahlı Qüvvələrində həqiqi hərbi xidmətə çağırılan Vüqar Eyvazov hərbi xidmətini Naxçıvan Muxtar Respublikasında yerinə yetirib. O, Vətənə sədaqəti, hərbi borcuna məsuliyyətlə yanaşması və vətənpərvərliyi ilə seçilib.
Vətən uğrunda canından keçərək şəhidlik zirvəsinə ucalan Vüqar Eyvazovun əziz xatirəsi daim hörmət və ehtiramla anılır. Onun keçdiyi həyat yolu və göstərdiyi qəhrəmanlıq gənc nəsil üçün örnəkdir.
Allah bütün şəhidlərimizə rəhmət eləsin.

Baş redaktor: İntizar Əmirova  ]]> admin Sat, 24 Jan 2026 23:07:57 +0400 Şəhidlərimizi heç vaxt unutmadıq, unutmayacağıq! https://presedenttv.com/gundem/1465-shidlrimizi-hec-vaxt-unutmadiq-unutmayacagiq.html https://presedenttv.com/gundem/1465-shidlrimizi-hec-vaxt-unutmadiq-unutmayacagiq.html 1990-cı ilin yanvarında Bakı qara paltara büründü...  
Amma bu qaranlığın içində bir millətin vicdanı, ruhu alovlandı.  
O gecə təkcə silahlar susmadı, insanlıq da susdu. Lakin susmayan bir şey vardı — Azərbaycanın azadlıq səsi.
20 Yanvar şəhidləri bizə azadlığın qiymətini qanla yazdı.
Onları unutmadıq, unutmayacağıq!  
Çünki bu millətin yaddaşı şəhidlərinin adı ilə döyünür..."
Allah bütün şəhidlərimizə rəhmət eləsin!


]]> admin Tue, 20 Jan 2026 20:00:20 +0400 Şəhidlərimiz heç zaman unudulmayacaq https://presedenttv.com/gundem/1464-shidlrimiz-hec-zaman-unudulmayacaq.html https://presedenttv.com/gundem/1464-shidlrimiz-hec-zaman-unudulmayacaq.html Bu gün 20 yanvar, hər kəsin yaddaşına qanla yazılan bir gündür. Hamının ehtiramla şəhidlərimizi ziyarət edəcəkləri gün. Bəli... hər il olduğu kimi bu gün də Azərbaycan xalqı şəhidlərimizi qürur hissi ilə anmağa hazırlaşır. Azərbaycanı öz qanları ilə azadlığa qovuşduran şəhidlərim, Allah sizlərə rəhmət eləsin.

Müxbir; İlham Əmirov ]]> admin Tue, 20 Jan 2026 07:00:26 +0400 Yeni il Yarmarkasında antisanitariya halları https://presedenttv.com/cemiyyet/1433-bayram-yarmarkasinda-antisanitariya-hallari-musahid-olundu.html https://presedenttv.com/cemiyyet/1433-bayram-yarmarkasinda-antisanitariya-hallari-musahid-olundu.html

Gənclik ərazisində yerləşən Yeni il yarmarkasında çəkiliş zamanı sanitar normalara uyğun olmayan vəziyyətlər aşkarlanıb. Xəstəliklərin sürətlə yayıldığı bir dövrdə satışa çıxarılan ətlər, süd məhsulları və ədviyyatlar açıq vəziyyətdə müştərilərə təqdim olunur. 

Xüsusilə ədviyyatların üzərinin örtülməməsi, havada qalan hissəciklərlə təmasda olması, onların gigiyenik tələblərə cavab vermədiyini göstərir. Qida təhlükəsizliyi baxımından ciddi narahatlıq doğuran bu vəziyyət, istehlakçıların sağlamlığını riskə atır.
Məsələ ilə bağlı aidiyyəti qurumlarla söhbətdən sonra mövzuya yenidən qayıdılacaq. 
Baş redaktor; İntizar Əmirova 

]]> admin Sun, 28 Dec 2025 18:24:31 +0400 "Tural Qəssab"ət evi – Təzə, təmiz və keyfiyyətli ətin ünvanı! https://presedenttv.com/cemiyyet/1423-tural-qssabt-evi-tz-tmiz-v-keyfiyytli-tin-unvani.html https://presedenttv.com/cemiyyet/1423-tural-qssabt-evi-tz-tmiz-v-keyfiyytli-tin-unvani.html
Noxanı yolunun kənarında yerləşən “Tural Qəssab” ət evi keyfiyyətə önəm verən hər kəs üçün etibarlı və peşəkar xidmət təqdim edir. Burada satışa çıxarılan bütün ət məhsulları rayonlardan gətirilmiş sağlam heyvanlardan əldə olunur. Heyvanlar göz qabağında, gigiyenik şəraitdə və halal qaydalara uyğun şəkildə kəsilir.  



Müştərilər üçün ən vacib amillərdən biri olan təmizlik və şəffaflıq ilə tanınan "Tural Qəssab ət evi" hər zaman ön plandadır. Məhsullar gündəlik təzə şəkildə təqdim olunur, ətlərin keyfiyyəti isə müştəri məmnuniyyətini tam təmin edir.

Qiymətlər də hər kəsin cibinə uyğundur. Burada baha olmayan, lakin yüksək keyfiyyətli məhsullar almaq mümkündür. "Tural Qəssab" həm fərdi, həm də topdan satış üçün xidmət göstərir və daim müştəri razılığına önəm verir.

Əgər siz də təmiz, orqanik və ləzzətli ət axtarırsınızsa, "Tural Qəssab" sizin üçün doğru seçimdir.  

 Ünvan: Noxanı yolu, yolkənarı  
📞 Əlaqə: 050-456-41-41, 099-456-41-41

Tural Qəssab – sağlam süfrələrin seçimi!

Müxbir:  Arzu İbrahimova





]]> admin Fri, 19 Dec 2025 09:26:57 +0400 İmperatortamaşaçıları ilə Dubayda görüşdü https://presedenttv.com/cemiyyet/1267-imperatortamasacilari-il-dubayda-gorusdu.html https://presedenttv.com/cemiyyet/1267-imperatortamasacilari-il-dubayda-gorusdu.html İmperator” ləqəbli İbrahim Tatlısəs ötən gün Dubay Coca-Cola Arenada verdiyi konsertdə türk və ərəb tamaşaçıları ilə görüşüb.
Sənətçi günlər öncədən biletləri bitən, anşlaqla başa çatan konsertinə “Yalınızım Dostlarım” mahnısı ilə başlayıb.
Sənətçi konsert salonunu dolduran tamaşaçılara “Bir Kulunu Çok Sevdim”, “Yağmur”, “Haydi Söyle”, “Dom Dom Kurşunu” kimi mahnıları təqdim edib.
Konsert boyu tamaşaçılar müğənnini müşayiət edərək onunla birgə mahnılarını ifa ediblər.
Tədbirdə Birləşmiş Ərəb Əmirliklərinin Türkiyədəki səfiri Lütfullah Göktaş, Dubay baş konsulu Onur Şaylan və Şimali Makedoniyanın BƏƏ-dəki səfiri Abdulkadar Memedi də iştirak edib. ]]> admin Thu, 27 Nov 2025 18:33:10 +0400 Balaca Ülviyyədən şəhid analarına böyük hədiyyə https://presedenttv.com/cemiyyet/1263-balaca-ulviyydn-shid-analarina-boyuk-hdiyy.html https://presedenttv.com/cemiyyet/1263-balaca-ulviyydn-shid-analarina-boyuk-hdiyy.html Presedenttv.com xəbər verir ki, balaca boyuna baxmayaraq, böyük ürəyə sahib olan Ülviyyə Mustafayeva şəhid analarının üzünü güldürmək üçün nümunəvi addım atıb. Özünün qəpik-qəpik yığdığı pullarla Zəfər Gününün 5 illiyi münasibətilə şəhid anaları üçün tədbir təşkil edib. Tədbirdə qazilər və digər dəyərli iştirakçılar da yer alıblar.

Ancaq Ülviyyə xanım bu təşəbbüslə kifayətlənməyib. Gecə saat 2-də şəhidlərimizə ehtiram əlaməti olaraq Fəxri Xiyaban və Şəhidlər Xiyabanına gedərək öz hesabına aldığı gülləri onların məzarlarına düzüb, ruhlarına dualar oxuyub.

Təəssüflə qeyd edirik ki, bəzi şəxslər onun bu təşəbbüsünü mənimsəyərək öz adlarına çıxarmağa cəhd göstəriblər. 

Qeyd edək ki, Ülviyyə Mustafayeva hər ay öz imkanları ilə ən ağır qazilərimizi ziyarət edir, onlara dəstək göstərir. 

Sonda, Presedenttv.com kollektivi vətənpərvər qızımıza təşəkkürlərini bildirərək tövsiyə edir ki, yardım fəaliyyəti zamanı işbaz və dolandırıcı şəxslərdən ehtiyatlı olsun.

Ülviyyə xanım kimi gənclərimiz bizim ümid yerimizdir.
Hazırladı:
Baş redaktor; İntizar Əmirova 

]]> admin Sat, 22 Nov 2025 08:21:48 +0400 Taksi sürücüsü qadını şantaj edir – Azadlıq metrosu yaxınlığında narahatedici hadisə https://presedenttv.com/cemiyyet/1249-taksi-surucusu-qadini-santaj-edir-azadliq-metrosu-yaxinliginda-narahatedici-hadis.html https://presedenttv.com/cemiyyet/1249-taksi-surucusu-qadini-santaj-edir-azadliq-metrosu-yaxinliginda-narahatedici-hadis.html Azadlıq metrosu ərazisində fəaliyyət göstərən “Şahinşah” restoranının qarşısında dayanan taksi sürücüsü, Faiq adlı şəxs barəsində narahatedici iddialar yayılıb. Bildirilir ki, həmin şəxs bir qadını şantaj edərək təhdid edir.

Presedenttv.com xəbər verir ki, Faiq adlı sürücü xanıma onunla birlikdə avtomobildə olduqları vaxtlara dair video görüntülərinin olduğunu bildirib və həmin videoları yaymaqla hədələyib. Mənbələr bildirir ki, bu videoların mövcudluğu ilə bağlı real sübut yoxdur və bu, sadəcə şantaj məqsədilə deyilmiş yalan ola bilər.

Şantaj və şəxsi həyat toxunulmazlığına qarşı bu kimi halların araşdırılması və zərərçəkmiş şəxslərin hüquqlarının qorunması üçün hüquq-mühafizə orqanlarının məsələ ilə bağlı araşdırma aparması zəruri hesab olunur.

Zərərçəkmiş şəxslərin təhlükəsizliyini təmin etmək və bu cür halların təkrarlanmaması üçün ictimaiyyətin məlumatlı olması vacibdir.

Xüsusi müxbir: İntizar Əmirova ]]> admin Mon, 10 Nov 2025 20:55:28 +0400 Göyçayda ənənəvi Nar Bayramı böyük coşqu ilə qeyd olunur https://presedenttv.com/cemiyyet/1252-goycayda-nnvi-nar-bayrami-boyuk-cosqu-il-qeyd-olunur.html https://presedenttv.com/cemiyyet/1252-goycayda-nnvi-nar-bayrami-boyuk-cosqu-il-qeyd-olunur.html Göyçay rayonunda artıq ənənə halını almış Nar Bayramı bu il də rəngarəng tədbirlərlə qeyd olundu. Azərbaycanın nar diyarı sayılan Göyçayda keçirilən bayram tədbirində yerli sakinlərlə yanaşı, ölkənin müxtəlif bölgələrindən və xaricdən gəlmiş qonaqlar da iştirak edib.

Bayram çərçivəsində nar sərgiləri, konsert proqramları, milli geyimlərdə çıxışlar və xalq oyunları təşkil olunub. Ən böyük maraq doğuran hissə isə ən iri nar, ən dadlı nar məhsulu müsabiqələri və nar şirəsi ilə dolu küplər oldu.

Tədbirdə çıxış edən rəsmilər və təşkilatçılar Nar Bayramının Azərbaycanın kənd təsərrüfatı, mədəniyyəti və turizmi üçün önəmini vurğulayıblar. Bildirilib ki, nar təkcə meyvə deyil, həm də bolluğun, bərəkətin və birliyin simvoludur.

Qeyd edək ki, Göyçay narı həm yerli bazarda, həm də beynəlxalq sərgilərdə yüksək qiymətləndirilir və Azərbaycan brendi kimi tanınır.

Nar kimi şirin, bayram kimi sevincli günlər diləyi ilə! ]]> admin Sun, 09 Nov 2025 12:09:31 +0400