https://presedenttv.com/ tr Dünya - Presedenttv.com DataLife Engine https://presedenttv.com/dunya/1575-tramp-iran-enerji-infrastrukturuna-hrbi-zrblri-5-gun-muddtin-txir-salmagi-tapsirdi.html https://presedenttv.com/dunya/1575-tramp-iran-enerji-infrastrukturuna-hrbi-zrblri-5-gun-muddtin-txir-salmagi-tapsirdi.html “Son iki gün ərzində ABŞ və İran arasında Yaxın Şərqdəki müharibənin tam həlli ilə bağlı çox yaxşı və məhsuldar müzakirə aparılıb”.
Presedenttv-nın məlumatına görə, bu barədə ABŞ Prezidenti Donald Tramp “Truth” sosial şəbəkəsində yazıb.
“Həftə boyu davam edəcək danışıqların tonuna əsaslanaraq Müharibə Departamentinə görüşlərin və müzakirələrin uğurlu olmasından asılı olaraq İran elektrik stansiyalarına və enerji infrastrukturuna qarşı hərbi zərbələri 5 gün müddətinə təxirə salmağı tapşırmışam”,-deyə Tramp əlavə edib. ]]> admin Mon, 23 Mar 2026 19:09:42 +0400 https://presedenttv.com/dunya/1574-tramp-biz-iranla-razilasma-ld-etmk-ucun-real-imkanlarin-astanasindayiq.html https://presedenttv.com/dunya/1574-tramp-biz-iranla-razilasma-ld-etmk-ucun-real-imkanlarin-astanasindayiq.html Biz İranla razılaşma əldə etmək üçün real imkanların astanasındayıq.
Presedenttv.com-un məlumatına görə, bu sözləri ABŞ Prezidenti Donald Tramp deyib.
"Düşünürəm ki, əgər mən mərc oyunçusu olsaydım, buna mərc edərdim. Amma yenə də heç nəyə zəmanət vermirəm", - deyə o bildirib.
Tramp jurnalistlərə Yaxın Şərq üzrə xüsusi nümayəndəsi Stiv Uitkoff və kürəkəni Cared Kuşnerin bazar günü axşama qədər danışıqlar apardıqlarını bildirib. O, danışıqların bu gün davam edəcəyini əlavə edib.
Donald Tramp Tehranı təmsil edən heç bir rəsmi və ya vəzifəli şəxsin adını çəkməyib, lakin Ali Rəhbər Ayətullah Müctəba Xamenei ilə danışmadığını bildirib.
Tramp deyib ki, İranla razılaşma əldə olunarsa, ABŞ İranın mübahisəli nüvə proqramı üçün vacib olan zənginləşdirilmiş uranı təhvil vermək üçün addım atacaq. ]]> admin Mon, 23 Mar 2026 19:06:26 +0400 https://presedenttv.com/dunya/1573-tramp-razilasmanin-bir-hisssi-olaraq-abs-nin-iranin-znginlsdirilmis-uranindan-istifad-edcyini-bildirdi.html https://presedenttv.com/dunya/1573-tramp-razilasmanin-bir-hisssi-olaraq-abs-nin-iranin-znginlsdirilmis-uranindan-istifad-edcyini-bildirdi.html ABŞ Prezidenti Donal Tramp ABŞ-nin İslam Respublikası ilə potensial müqaviləsinin bir hissəsi olaraq İranın zənginləşdirilmiş uranından istifadə edəcəyini bildirib. Presedenttv.com-ın məlumatına görə, bu barədə o, jurnalistlərə açıqlamasında deyib.
"Bu, çox asandır, əgər onlarla razılaşmamız olsa, biz gedəcəyik və bunu özümüz edəcəyik", - deyə Tramp vurğulayıb.
O bildirib ki, İranla hər hansı bir razılaşma ölkənin nüvə imkanlarına son qoymağı da əhatə edəcək.
"Biz istəyirik ki, nüvə bombası, nüvə silahı olmasın. Hətta ona bənzər bir şey da olmasın", - deyə o əlavə edib. ]]> admin Mon, 23 Mar 2026 18:53:28 +0400 https://presedenttv.com/dunya/1462-israil-f-35-qirici-tyyarlrinin-sayini-48-catdirdi.html https://presedenttv.com/dunya/1462-israil-f-35-qirici-tyyarlrinin-sayini-48-catdirdi.html İsrail Hərbi Hava Qüvvələri ABŞ-ın “Lockheed Martin” şirkəti tərəfindən istehsal olunan üç yeni beşinci nəsil F-35 qırıcı təyyarəsini təhvil alıb.
Presedenttv.com xəbər verir ki, bu barədə İsrail Hərbi Hava Qüvvələrinin mətbuat xidməti məlumat yayıb.
Məlumatda bildirilir ki, təyyarələr yanvarın 18-də İsrailin cənubunda yerləşən Nevatim hava bazasına eniş edib və Hərbi Hava Qüvvələrinin 116-cı və 140-cı eskadrilyalarına daxil ediləcək.
İsrail 2010-cu ildən F-35 qırıcılarını arsenalına daxil etməyə başlayıb. İlk iki təyyarə 2016-cı ilin dekabrında Nevatim hava bazasına çatdırılıb.
“The Times of Israel” qəzetinin məlumatına görə, yeni təyyarələrin gəlişi ilə İsrail Hərbi Hava Qüvvələrindəki F-35-lərin sayı 48-ə çatıb. İsrail 2024-cü ildə əlavə 25 F-35 sifariş edib və onların çatdırılmasına 2028-ci ildə başlanması planlaşdırılır. ]]> admin Mon, 19 Jan 2026 09:35:05 +0400 https://presedenttv.com/dunya/1461-antonio-kosta-ai-y-uzv-olklrin-dovlt-v-hokumt-bascilarinin-fovqlad-sammitini-cagirdi.html https://presedenttv.com/dunya/1461-antonio-kosta-ai-y-uzv-olklrin-dovlt-v-hokumt-bascilarinin-fovqlad-sammitini-cagirdi.html Avropa İttifaqı Şurasının Prezidenti Antoniu Koşta yaxın günlərdə Aİ-yə üzv ölkələrin dövlət və hökumət başçılarının iştirakı ilə fövqəladə sammitin keçiriləcəyini elan edib.
Presedenttv.com xəbər verir ki, A.Koşta bu barədə X sosial şəbəkəsində paylaşım edərək sammitdə ABŞ Prezidenti Donald Trampın gömrük rüsumları ilə bağlı hədələrinə Aİ-nin mümkün cavabının müzakirə olunacağını və razılaşdırılacağını bildirib.
O, Qrenlandiya ətrafında yaranmış son gərginliklərlə bağlı üzv dövlətlərlə apardığı məsləhətləşmələrin bir sıra əsas məsələlər üzrə vahid mövqeni bir daha təsdiqlədiyini bildirib. A.Koşta vurğulayıb ki, bu məsələlərə beynəlxalq hüququn prinsiplərinə, ərazi bütövlüyünə və milli suverenliyə hörmət, Danimarka və Qrenlandiyaya dəstək və həmrəylik, Arktikada sülh və təhlükəsizliyin transatlantik məkan üçün ümumi maraq kimi qəbul edilməsi, xüsusilə NATO çərçivəsində əməkdaşlıq daxildir.
Bununla yanaşı, gömrük rüsumlarının transatlantik münasibətlərə mənfi təsir göstərdiyi və Aİ–ABŞ ticarət sazişi ilə ziddiyyət təşkil etdiyi barədə ortaq mövqe ifadə olunub. Avropanın istənilən formada təzyiqə qarşı özünü müdafiə etməyə hazır olduğu, həmçinin Aİ-nin ümumi maraq doğuran bütün məsələlər üzrə ABŞ ilə konstruktiv dialoqu davam etdirməyə hazır olduğu da qeyd edilib. ]]> admin Mon, 19 Jan 2026 09:33:17 +0400 https://presedenttv.com/dunya/1460-yeni-zelandiyada-52-bal-gucund-zlzl-bas-verib.html https://presedenttv.com/dunya/1460-yeni-zelandiyada-52-bal-gucund-zlzl-bas-verib.html Presedenttv.com xəbər verir ki, bu barədə Avstraliya Geoloji Xidməti məlumat yayıb.
Fəlakətin episentri Stüart adasından təxminən 160 kilometr cənub-qərbdə yerləşib, zəlzələnin ocağı isə 10 kilometr dərinlikdə olub.
Hazırda tələfat və dağıntı barədə məlumat yoxdur. Sunami təhlükəsi elan edilməyib.
]]> admin Mon, 19 Jan 2026 09:26:59 +0400 https://presedenttv.com/dunya/1459-yaponiya-dunyanin-n-boyuk-atom-elektrik-stansiyasinin-yenidn-is-salinmasini-txir-saldi.html https://presedenttv.com/dunya/1459-yaponiya-dunyanin-n-boyuk-atom-elektrik-stansiyasinin-yenidn-is-salinmasini-txir-saldi.html Dünyanın ən böyük nüvə elektrik stansiyası olan Yaponiyanın Niiqata prefekturasında yerləşən Kaşivazaki–Kariva Atom Elektrik Stansiyasının 6-cı reaktorunun yanvarın 20-də planlaşdırılan yenidən işə salınması siqnalizasiya sistemində aşkarlanan nasazlıq səbəbindən təxirə salınıb.
Presedenttv.com xəbər verir ki, bu barədə Kyodo xəbər agentliyi mənbələrə istinadən məlumat yayıb.
Məlumata görə, yanvarın 17-də stansiyanın operatoru olan “Tokyo Electric Power Company” idarəetmə çubuqlarının çıxarılması sistemini sınaqdan keçirib. Sınaq zamanı siqnalizasiya sistemində nasazlıq aşkarlanıb.
Hazırda mütəxəssislər tərəfindən əlavə yoxlamalar aparılır. Bu prosesin bir neçə gün davam edəcəyi gözlənildiyindən, reaktorun yenidən işə salınmasının təxirə salınması barədə qərar qəbul edilib. Yenidən başlatmanın dəqiq tarixi hələlik açıqlanmayıb.
Qeyd edək ki, yerli hakimiyyət orqanları daha əvvəl Kaşivazaki–Kariva AES-də iki reaktorun yenidən işə salınmasına rəsmi icazə vermişdi. Ümumi gücü 8,2 giqavat olan yeddi reaktorla bu stansiya dünyanın ən böyük atom elektrik stansiyası hesab olunur. Bununla belə, bütün enerji blokları 2012-ci ildə dayandırılıb. ]]> admin Mon, 19 Jan 2026 09:24:04 +0400 https://presedenttv.com/dunya/1463-prezident-ilham-liyev-20-yanvar-shidlrinin-xatirsini-yad-etdi.html https://presedenttv.com/dunya/1463-prezident-ilham-liyev-20-yanvar-shidlrinin-xatirsini-yad-etdi.html Yanvarın 18-də Azərbaycan Respublikasının Prezidenti İlham Əliyev Şəhidlər xiyabanında 20 Yanvar şəhidlərinin əziz xatirəsini yad edib.
Presedenttv.com xəbər verir ki, dövlətimizin başçısı “Əbədi məşəl” abidəsinin önünə əklil qoydu.
Azərbaycan Respublikasının Dövlət Himni səsləndirildi.
                       X X X
20 Yanvar hadisələri Azərbaycan xalqının tarixinə həm faciəli, kədərli, həm də qəhrəmanlıq, rəşadət səhifəsi kimi daxil olub, müstəqillik, azadlıq uğrunda mübarizənin və yenilməz iradənin rəmzinə çevrilib. 36 il əvvəl doğma Vətəninin, xalqının azadlığını, şərəf və ləyaqətini hər şeydən üstün tutan Azərbaycanın mərd övladları həmin qanlı gecədə canlarından keçərək şəhidlik zirvəsinə ucaldılar. Həmin gün Azərbaycan xalqı öz azadlığı və müstəqilliyi uğrunda ilk şəhidlərini verdi. Azadlığa gedən yolda həyatlarını qurban verən Vətən övladları misilsiz fədakarlıqları ilə xalqımızın qəhrəmanlıq salnaməsinə tarixi səhifə yazdılar. Sovet qoşunlarının Azərbaycanda törətdiyi qanlı qırğından uzun illər keçməsinə baxmayaraq, xalqımız o dəhşətli günlərin ağrı-acısını unutmur.
Qanlı 20 Yanvar faciəsinə siyasi-hüquqi qiymətin verilməsi ilə bağlı məsələ ilk dəfə məhz Ümummilli Lider Heydər Əliyevin sayəsində həllini tapdı. Faciənin səhəri günü - 1990-cı il yanvarın 21-də Ulu Öndər Azərbaycanın Moskvadakı daimi nümayəndəliyinə gələrək xalqla birgə olduğunu bildirdi, bu qırğını törədənləri pisləyən kəskin bəyanatla çıxış etdi. Dahi şəxsiyyət bu hadisəni hüquqa, demokratiyaya, humanizmə zidd olduğunu bəyan edərək, onun törədilməsini kobud siyasi səhv kimi qiymətləndirdi. Xalqımızın başına gətirilən müsibəti dünyaya çatdıran Ümummilli Lider 20 Yanvar faciəsinin Azərbaycanın ovaxtkı rəhbərlərinin xalqımıza qarşı xəyanəti nəticəsində baş verdiyini və bunun cinayət olduğunu dəfələrlə bəyan edib. Bununla da Ulu Öndər cəsarətini, mərdliyini, xalqının sədaqətli oğlu olduğunu bir daha nümayiş etdirib.
1990-cı ilin iyulunda Moskvadan Vətənə qayıdan Ümummilli Lider Heydər Əliyevin təşəbbüsü ilə həmin il noyabrın 21-də Naxçıvan Muxtar Respublikasının Ali Məclisində 20 Yanvar faciəsinə ilk dəfə siyasi-hüquqi qiymət verən qərar qəbul olundu. Bu qərar Ulu Öndər Heydər Əliyev qətiyyətinin təzahürü kimi tarixə düşdü.
Azərbaycan müstəqilliyini bərpa etdikdən sonra da 1993-cü ilə qədər iqtidarda olanların heç biri faciə ilə bağlı əsl həqiqəti aşkar etməyə özündə cəsarət tapmadı. Yalnız Azərbaycan xalqının Ümummilli Lideri Heydər Əliyevin ölkə rəhbərliyinə qayıdışından sonra 20 Yanvar hadisələrinin hüquqi müstəvidə əsl mahiyyəti açıqlandı. 1994-cü ildə 20 Yanvar hadisələrinə dövlət səviyyəsində tam siyasi-hüquqi qiymət verildi və cinayəti törədənlərin adları ictimaiyyətə çatdırıldı. 20 Yanvar Ümumxalq Hüzn Günü elan edildi.
Azərbaycan xalqı 20 Yanvar faciəsi qurbanlarının xatirəsini dərin ehtiramla yad edir. Vətənimizin azadlığı uğrunda mübarizədə canlarından keçən şəhidlərin xatirəsi daim əziz tutulduğu kimi, onların ailə üzvləri, doğmaları da hərtərəfli dövlət qayğısı ilə əhatə olunub. 20 Yanvar şəhidlərinin ailə üzvlərinin və əlillərinin sosial müdafiəsinin təmin olunması istiqamətində mütəmadi tədbirlər həyata keçirilir. Onların pensiya təminatı, mənzil şəraitinin yaxşılaşdırılması, yaşayış səviyyəsinin yüksəldilməsi ilə bağlı qanunvericilik bazası yaradılıb.
Ulu Öndərin, ölkəmizin müstəqilliyi və ərazi bütövlüyü uğrunda mübarizədə canlarından keçmiş bütün şəhidlərin ruhları bu gün şaddır. Çünki Müzəffər Ali Baş Komandanın rəhbərliyi ilə Azərbaycan Ordusu xalqımızın 30 illik həsrətinə son qoydu, torpaqlarımızı erməni işğalından azad etdi və suverenliyimiz tam bərpa olundu. İndi bütün ərazilərimizdə Azərbaycanın üçrəngli Bayrağı qürurla dalğalanır. Hazırda Qarabağda və Şərqi Zəngəzurda genişmiqyaslı bərpa-quruculuq işləri gedir, Böyük Qayıdış Proqramı uğurla icra olunur.
Azərbaycanın ərazi bütövlüyünün və suverenliyinin tam bərpası bütün şəhidlərimizin, o cümlədən 20 Yanvar faciəsi qurbanlarının qanının yerdə qalmadığını sübut edir. ]]> admin Sun, 18 Jan 2026 17:39:07 +0400 https://presedenttv.com/dunya/1457-agdam-v-klbcrd-mskunlasma-olan-yasayis-mntqlri-telekommunikasiya-xidmtlri-il-tmin-edildi.html https://presedenttv.com/dunya/1457-agdam-v-klbcrd-mskunlasma-olan-yasayis-mntqlri-telekommunikasiya-xidmtlri-il-tmin-edildi.html Presedenttv.com xəbər verir ki, bununla da Ağdam rayonu ərazisində internet də daxil olmaqla telekommunikasiya xidmətləri ümumi olaraq 974 ev təsərrüfatı və 23 biznes subyektini, Kəlbəcər rayonunda 121 ev təsərrüfatı və 22 biznes subyektini əhatə edib. Ağdam və Kəlbəcərdə yeni məskunlaşmış sakinlər təmin olunan internetin keyfiyyətindən razı qaldıqlarını bildiriblər.
Beləliklə, GPON (Giqabit Tutumlu Passiv Optik Şəbəkə) texnologiyasının tətbiqi ilə abunəçilərə (ev təsərrüfat və biznes subyektləri) yüksəksürətli internetlə yanaşı, “internet + telefoniya”, “internet + televiziya (ikisi birində)” və “internet + telefoniya + televiziya (üçü birində)” xidmətləri təqdim edilir.
Vətəndaşlar bu xidmətlərə qoşulmaq üçün “Aztelekom”un 170 – “Çağrı mərkəzi”nə zəng edə, ərazi üzrə xidmət göstərən Ağdam şöbəsinə, (ünvan: Ağdam rayonu Quzanlı qəsəbəsi), Kəlbəcər şöbəsinə (ünvan: Kəlbəcər rayon mərkəzi), həmçinin qurumun rəsmi saytı vasitəsilə müraciət edə bilərlər. ]]> admin Sat, 17 Jan 2026 06:02:12 +0400 https://presedenttv.com/dunya/1456-volodimir-zelenski-rusiya-ukraynaya-qarsi-yeni-kutlvi-zrblr-hazirlasir.html https://presedenttv.com/dunya/1456-volodimir-zelenski-rusiya-ukraynaya-qarsi-yeni-kutlvi-zrblr-hazirlasir.html Ukrayna kəşfiyyatı Rusiyanın Ukraynaya qarşı yeni kütləvi zərbələr endirməyə hazırlaşdığını bildirib.
Presedenttv.com xəbər verir ki, bu barədə Ukrayna Prezidenti Volodimir Zelenski “Telegram” səhifəsində məlumat verib.
“Bu gün hava hücumundan müdafiə qüvvələri və ordu üçün ayrıca tapşırıqlar var. Hazırda rusların yeni kütləvi zərbələrə hazırlaşdığına dair kəşfiyyat məlumatlarımız var. Tərəfdaşlarımızla hava hücumundan müdafiə raketləri, çox ehtiyac duyduğumuz sistemlər barədə açıq danışırıq”, - deyə Zelenski əlavə edib.
Ukrayna liderinin sözlərinə görə, hazırda Ukrayna Müdafiə Nazirliyi səviyyəsində çox şey edilir, lakin təchizat kifayət deyil.
“Xahiş edirəm həyəcan siqnallarına diqqət yetirin. Zəhmət olmasa, sizə yaxın olanlara, tək olanlara, sizin dəstəyinizə ehtiyacı olanlara kömək edin”, - deyə Zelenski çağırış edib. ]]> admin Sat, 17 Jan 2026 05:57:33 +0400