Türkiyənin xarici işlər naziri Hakan Fidan Suriyaya səfərə gedib.

Presedenttv.com AZƏRTAC-a istinadla xəbər verir ki, bu barədə Türkiyənin Xarici İşlər Nazirliyi açıqlama yayıb.

Səfər çərçivəsində nazirlə suriyalı həmkarı Əsəd Həsən Şeybani arasında keçiriləcək görüşlərdə Suriyada davamlı sülh, sabitlik və rifahın təmin olunması, ikitərəfli əlaqələrin inkişafı, ticarət, enerji və nəqliyyat sahələrində əməkdaşlığın gücləndirilməsi müzakirə ediləcək.

Tərəflərin, həmçinin Suriyadakı inteqrasiya prosesi, Suriya Demokratik Qüvvələrinin (SDQ) özünü ləğv etməsi, ölkənin ərazi bütövlüyünün və dövlət qurumlarının gücləndirilməsi məsələlərini nəzərdən keçirməsi gözlənilir.

Görüşlərdə Suriyanın cənubundakı vəziyyət, eləcə də ölkənin təhlükəsizliyi və sabitliyi istiqamətində atılacaq addımların da müzakirə olunacağı bildirilir.

Səfər iki gün davam edəcək.

Türkiyənin xarici işlər naziri Hakan Fidan Suriyaya səfərə gedib.

Presedenttv.com AZƏRTAC-a istinadla xəbər verir ki, bu barədə Türkiyənin Xarici İşlər Nazirliyi açıqlama yayıb.

Səfər çərçivəsində nazirlə suriyalı həmkarı Əsəd Həsən Şeybani arasında keçiriləcək görüşlərdə Suriyada davamlı sülh, sabitlik və rifahın təmin olunması, ikitərəfli əlaqələrin inkişafı, ticarət, enerji və nəqliyyat sahələrində əməkdaşlığın gücləndirilməsi müzakirə ediləcək.

Tərəflərin, həmçinin Suriyadakı inteqrasiya prosesi, Suriya Demokratik Qüvvələrinin (SDQ) özünü ləğv etməsi, ölkənin ərazi bütövlüyünün və dövlət qurumlarının gücləndirilməsi məsələlərini nəzərdən keçirməsi gözlənilir.

Görüşlərdə Suriyanın cənubundakı vəziyyət, eləcə də ölkənin təhlükəsizliyi və sabitliyi istiqamətində atılacaq addımların da müzakirə olunacağı bildirilir.

Səfər iki gün davam edəcək.

Türkiyənin İstanbul hava limanı 110-dan çox aviaşirkətlə əməkdaşlıq çərçivəsində 340-dan artıq istiqamətə uçuş təmin edir. Hazırda aeroport şimal-cənub istiqamətində yerləşən üçü əsas və ikisi isə ehtiyat olmaqla, ümumilikdə 5 uçuş-enmə zolağı ilə fəaliyyət göstərir. Prezident Rəcəb Tayyib Ərdoğanın iştirakı ilə sentyabrın 18-də istifadəyə veriləcək dördüncü əsas zolaqla aeroportda uçuş-enmə zolaqlarının ümumi sayını 6-ya çatdırılacaq.

Presedenttv.com AZƏRTAC-a istinadla xəbər verir ki, bu barədə Türkiyənin nəqliyyat və infrastruktur naziri Abdulkadir Uraloğlu açıqlayıb.

Nazir bildirib ki, yeni zolaq eyni zamanda İstanbul hava limanının şərq-qərb istiqamətində yerləşən ilk uçuş-enmə zolağı olacaq. Yeni beton zolağın uzunluğu 2820 metr, eni isə 45 metrdir.

Uraloğlu xatırladıb ki, 2025-ci ilin aprelində Avropada ilk dəfə “üçlü müstəqil paralel uçuş-enmə zolağı əməliyyatı” məhz İstanbul hava limanında tətbiq edilib.

Türkiyənin İstanbul hava limanı 110-dan çox aviaşirkətlə əməkdaşlıq çərçivəsində 340-dan artıq istiqamətə uçuş təmin edir. Hazırda aeroport şimal-cənub istiqamətində yerləşən üçü əsas və ikisi isə ehtiyat olmaqla, ümumilikdə 5 uçuş-enmə zolağı ilə fəaliyyət göstərir. Prezident Rəcəb Tayyib Ərdoğanın iştirakı ilə sentyabrın 18-də istifadəyə veriləcək dördüncü əsas zolaqla aeroportda uçuş-enmə zolaqlarının ümumi sayını 6-ya çatdırılacaq.

Presedenttv.com AZƏRTAC-a istinadla xəbər verir ki, bu barədə Türkiyənin nəqliyyat və infrastruktur naziri Abdulkadir Uraloğlu açıqlayıb.

Nazir bildirib ki, yeni zolaq eyni zamanda İstanbul hava limanının şərq-qərb istiqamətində yerləşən ilk uçuş-enmə zolağı olacaq. Yeni beton zolağın uzunluğu 2820 metr, eni isə 45 metrdir.

Uraloğlu xatırladıb ki, 2025-ci ilin aprelində Avropada ilk dəfə “üçlü müstəqil paralel uçuş-enmə zolağı əməliyyatı” məhz İstanbul hava limanında tətbiq edilib.

Hörmüz boğazında İran mülki gəmisinə endirilən zərbə nəticəsində bir nəfər ölüb, üç nəfər yaralanıb.

Presedenttv.com AZƏRTAC-a istinadla xəbər verir ki, bu barədə Qeşm əyalətinin başçısı Əmir Teymuri bildirib.

İranın dövlət televiziyası onun sözlərini sitat gətirərək yazıb: "Bu gün səhər saat 5:00 radələrində Henqam adası və Qeşm adasının Şib Deraz sahili yaxınlığında ticarət gəmisi vurulub".

Hörmüz boğazında İran mülki gəmisinə endirilən zərbə nəticəsində bir nəfər ölüb, üç nəfər yaralanıb.

Presedenttv.com AZƏRTAC-a istinadla xəbər verir ki, bu barədə Qeşm əyalətinin başçısı Əmir Teymuri bildirib.

İranın dövlət televiziyası onun sözlərini sitat gətirərək yazıb: "Bu gün səhər saat 5:00 radələrində Henqam adası və Qeşm adasının Şib Deraz sahili yaxınlığında ticarət gəmisi vurulub".

İndoneziyada fırtına zamanı Yava dənizində üzən “Virgo Transport 8” gəmisi ilə əlaqə kəsilib. Gəmidə 243 nəfər olub.

Presedenttv.com AZƏRTAC-a istinadən xəbər verir ki, bu barədə İndoneziya Milli Axtarış və Xilasetmə Agentliyi məlumat yayıb.

Əməliyyat koordinatoru Putu Sudayana bildirib ki, gəmi ən son Banjarmasindəki “SAR Basirih” körpüsündən təxminən 80 dəniz mili məsafədə olub.

Ekipajla əlaqə yerli vaxtla təxminən saat 2:00 radələrində hava şəraiti kəskin pisləşdikdən sonra kəsilib.

Dəniz qüvvələri, su polisi, liman və naviqasiya xidmətləri axtarış işlərinə cəlb edilib.

İndoneziyada fırtına zamanı Yava dənizində üzən “Virgo Transport 8” gəmisi ilə əlaqə kəsilib. Gəmidə 243 nəfər olub.

Presedenttv.com AZƏRTAC-a istinadən xəbər verir ki, bu barədə İndoneziya Milli Axtarış və Xilasetmə Agentliyi məlumat yayıb.

Əməliyyat koordinatoru Putu Sudayana bildirib ki, gəmi ən son Banjarmasindəki “SAR Basirih” körpüsündən təxminən 80 dəniz mili məsafədə olub.

Ekipajla əlaqə yerli vaxtla təxminən saat 2:00 radələrində hava şəraiti kəskin pisləşdikdən sonra kəsilib.

Dəniz qüvvələri, su polisi, liman və naviqasiya xidmətləri axtarış işlərinə cəlb edilib.

ABŞ ilə ticarət danışıqları uğursuz nəticələndikdən sonra Kanadanın Baş naziri Mark Karni Şimali Amerika ölkəsinin Avropa İttifaqına (Aİ) assosiativ üzv olmasını təklif edib.

Presedenttv.com AZƏRTAC-a istinadən xəbər verir ki, bu barədə “The Wall Street Journal” (WSJ) mənbələrə istinadən məlumat yayıb.

Qeyd olunub ki, Karni son aylarda Almaniya, Fransa və İtaliya da daxil olmaqla, bütün əsas Aİ ölkələri ilə danışıqlar aparıb. Onun əsas məqsədi Kanadanın Avropa bazarına inteqrasiyasıdır. Nəşrin məlumatına görə, Brüssel bu ideyanı müzakirə etməyə müsbət yanaşır.

ABŞ ilə ticarət danışıqları uğursuz nəticələndikdən sonra Kanadanın Baş naziri Mark Karni Şimali Amerika ölkəsinin Avropa İttifaqına (Aİ) assosiativ üzv olmasını təklif edib.

Presedenttv.com AZƏRTAC-a istinadən xəbər verir ki, bu barədə “The Wall Street Journal” (WSJ) mənbələrə istinadən məlumat yayıb.

Qeyd olunub ki, Karni son aylarda Almaniya, Fransa və İtaliya da daxil olmaqla, bütün əsas Aİ ölkələri ilə danışıqlar aparıb. Onun əsas məqsədi Kanadanın Avropa bazarına inteqrasiyasıdır. Nəşrin məlumatına görə, Brüssel bu ideyanı müzakirə etməyə müsbət yanaşır.

ABŞ Prezidentini xüsusi nümayəndəsi Cared Kuşner Ukraynadakı münaqişənin həlli üçün növbəti addımların yaxın həftələrdə açıqlanacağını gözləyir.

Presedenttv.com xarici mediaya istinadla xəbər verir ki, o bu barədə Kiyevdə keçirilən Yalta Avropa Strategiyası konfransında video bağlantı vasitəsilə danışarkən bildirib.

“Ümid edirəm ki, yaxın bir neçə həftə ərzində növbəti addımların nə olduğunu elan edə biləcəyik. Və ümid edirəm ki, bu, bizi irəli aparacaq", - deyə o vurğulayıb.

Qeyd edək ki, ABŞ Prezidentinin xüsusi nümayəndələri Cared Kuşner və Stiv Vitkov sentyabrın 5-də Moskvaya səfər edərək, Rusiya Prezidenti Vladimir Putinlə görüşüblər. Növbəti gün onlar Kiyevdə Vladimir Zelenski ilə müzakirə aparıblar.

ABŞ Prezidentini xüsusi nümayəndəsi Cared Kuşner Ukraynadakı münaqişənin həlli üçün növbəti addımların yaxın həftələrdə açıqlanacağını gözləyir.

Presedenttv.com xarici mediaya istinadla xəbər verir ki, o bu barədə Kiyevdə keçirilən Yalta Avropa Strategiyası konfransında video bağlantı vasitəsilə danışarkən bildirib.

“Ümid edirəm ki, yaxın bir neçə həftə ərzində növbəti addımların nə olduğunu elan edə biləcəyik. Və ümid edirəm ki, bu, bizi irəli aparacaq", - deyə o vurğulayıb.

Qeyd edək ki, ABŞ Prezidentinin xüsusi nümayəndələri Cared Kuşner və Stiv Vitkov sentyabrın 5-də Moskvaya səfər edərək, Rusiya Prezidenti Vladimir Putinlə görüşüblər. Növbəti gün onlar Kiyevdə Vladimir Zelenski ilə müzakirə aparıblar.

Yunanıstan bu ilin ilk yarısında əhalinin sayına nisbətdə sığınacaq müraciətlərinin həcminə görə Avropa İttifaqı (Aİ) ölkələri arasında ən yüksək göstəricini qeydə alıb.

Presedenttv.com AZƏRTAC-a istinadla xəbər verir ki, “Kathimerini” nəşrinin məlumatına görə, ilin ilk 6 ayında Yunanıstanda təxminən 23 min beynəlxalq müdafiə müraciəti qeydə alınıb.

Hesablamalara əsasən, bu, hər 1 milyon əhaliyə 2254 müraciət deməkdir. Başqa sözlə, ölkədə təxminən hər 444 sakinə bir sığınacaq müraciəti düşüb. Aİ+ ölkələri üzrə orta göstərici isə hər milyon nəfərə təxminən 710 müraciət təşkil edib.

Beləliklə, Yunanıstanın əhalinin sayına nisbətdə qəbul etdiyi müraciətlərin səviyyəsi Avropa orta göstəricisindən 3 dəfədən çox yüksək olub. Ölkənin Aralıq dənizi miqrasiya marşrutlarının əsas giriş nöqtələrindən biri olması bu göstəriciyə təsir edən başlıca amillərdən sayılır.

Yunanıstan uzun illərdir Aİ-yə qeyri-qanuni miqrasiya və sığınacaq axınının əsas istiqamətlərindən biridir. Miqrasiya axınının yüksək səviyyədə qalması qəbul mərkəzlərinin imkanları, müraciətlərə baxılma müddəti, sərhəd təhlükəsizliyi və Aİ daxilində məsuliyyətin bölüşdürülməsi məsələlərini yenidən gündəmə gətirir.

Yunanıstan hökuməti Aİ-nin xarici sərhədlərində yerləşən dövlətlərin miqrasiya yükünün daha ədalətli bölüşdürülməsini və üzv ölkələr arasında həmrəylik mexanizmlərinin gücləndirilməsini uzun müddətdir tələb edir.

Yunanıstan bu ilin ilk yarısında əhalinin sayına nisbətdə sığınacaq müraciətlərinin həcminə görə Avropa İttifaqı (Aİ) ölkələri arasında ən yüksək göstəricini qeydə alıb.

Presedenttv.com AZƏRTAC-a istinadla xəbər verir ki, “Kathimerini” nəşrinin məlumatına görə, ilin ilk 6 ayında Yunanıstanda təxminən 23 min beynəlxalq müdafiə müraciəti qeydə alınıb.

Hesablamalara əsasən, bu, hər 1 milyon əhaliyə 2254 müraciət deməkdir. Başqa sözlə, ölkədə təxminən hər 444 sakinə bir sığınacaq müraciəti düşüb. Aİ+ ölkələri üzrə orta göstərici isə hər milyon nəfərə təxminən 710 müraciət təşkil edib.

Beləliklə, Yunanıstanın əhalinin sayına nisbətdə qəbul etdiyi müraciətlərin səviyyəsi Avropa orta göstəricisindən 3 dəfədən çox yüksək olub. Ölkənin Aralıq dənizi miqrasiya marşrutlarının əsas giriş nöqtələrindən biri olması bu göstəriciyə təsir edən başlıca amillərdən sayılır.

Yunanıstan uzun illərdir Aİ-yə qeyri-qanuni miqrasiya və sığınacaq axınının əsas istiqamətlərindən biridir. Miqrasiya axınının yüksək səviyyədə qalması qəbul mərkəzlərinin imkanları, müraciətlərə baxılma müddəti, sərhəd təhlükəsizliyi və Aİ daxilində məsuliyyətin bölüşdürülməsi məsələlərini yenidən gündəmə gətirir.

Yunanıstan hökuməti Aİ-nin xarici sərhədlərində yerləşən dövlətlərin miqrasiya yükünün daha ədalətli bölüşdürülməsini və üzv ölkələr arasında həmrəylik mexanizmlərinin gücləndirilməsini uzun müddətdir tələb edir.

Xorvatiyada avqust ayının sonunda 192 mindən çox vətəndaşın bank hesabı ödənilməmiş borclar səbəbindən bloklanmış vəziyyətdə olub.

Presedenttv.com AZƏRTAC-a istinadən xəbər verir ki, Xorvatiyanın HRT telekanalı HINA agentliyinin məlumatına istinadla bildirib ki, avqustun sonuna ölkədə bloklanmış hesabı olan vətəndaşların sayı 192 min 196 nəfər təşkil edib.

Onların kreditorlar qarşısında əsas borc məbləği ümumilikdə 2,95 milyard avroya çatıb. Bu rəqəmə faiz və digər əlavə öhdəliklər daxil edilmədiyindən, borcluların faktiki maliyyə yükünün daha yüksək olduğu qeyd edilir.

Məlumata görə, borcluluq problemi yalnız fiziki şəxslərlə məhdudlaşmır. Avqustun sonunda Xorvatiyada 13,6 mindən çox hüquqi şəxsin və sahibkarlıq subyektinin də ödənilməmiş öhdəlikləri olub. Onların ümumi əsas borcu təxminən 413,5 milyon avro təşkil edib.

Bloklanmış hesablar üzrə statistika Xorvatiyada ev təsərrüfatlarının və biznesin maliyyə dayanıqlığı ilə bağlı mühüm göstəricilərdən biri hesab olunur. Hesabın bloklanması borcun məcburi qaydada tutulması proseduru çərçivəsində həyata keçirilir və borclunun hesabına daxil olan vəsait müəyyən qaydalarla kreditorların tələblərinin ödənilməsinə yönəldilir.

Son dövrdə enerji, mənzil, ərzaq və xidmət qiymətlərində artım əhalinin gündəlik xərclərini yüksəldib. Kredit ödənişləri və digər maliyyə öhdəlikləri ilə birlikdə bu vəziyyət bir sıra ailələrin büdcəsinə əlavə təzyiq yaradır.

Xorvatiya hökuməti inflyasiyanın və enerji qiymətlərinin təsirini yumşaltmaq məqsədilə müxtəlif dəstək mexanizmlərini davam etdirir. Bununla belə, borca görə hesabları bloklanan vətəndaşların sayının 192 mindən çox olması ev təsərrüfatlarının müəyyən hissəsinin maliyyə çətinlikləri ilə üzləşdiyini göstərir.

Hüquqi şəxslərin borcluluğu da biznes mühitinin vəziyyətinin qiymətləndirilməsi baxımından əhəmiyyətlidir. Xüsusilə kiçik və orta sahibkarlıq subyektləri üçün enerji, əmək və maliyyələşmə xərclərinin yüksəlməsi likvidliyə əlavə təzyiq yarada bilər.

Xorvatiya Avrozonanın üzvüdür və ölkənin maliyyə sistemi Avropa Mərkəzi Bankının pul-kredit siyasətindən birbaşa təsirlənir. Buna görə faiz dərəcələri, inflyasiya və gəlirlərin dinamikası əhalinin və şirkətlərin borc yükünün gələcək inkişafına təsir göstərən əsas amillər sırasında qalır.

Xorvatiyada avqust ayının sonunda 192 mindən çox vətəndaşın bank hesabı ödənilməmiş borclar səbəbindən bloklanmış vəziyyətdə olub.

Presedenttv.com AZƏRTAC-a istinadən xəbər verir ki, Xorvatiyanın HRT telekanalı HINA agentliyinin məlumatına istinadla bildirib ki, avqustun sonuna ölkədə bloklanmış hesabı olan vətəndaşların sayı 192 min 196 nəfər təşkil edib.

Onların kreditorlar qarşısında əsas borc məbləği ümumilikdə 2,95 milyard avroya çatıb. Bu rəqəmə faiz və digər əlavə öhdəliklər daxil edilmədiyindən, borcluların faktiki maliyyə yükünün daha yüksək olduğu qeyd edilir.

Məlumata görə, borcluluq problemi yalnız fiziki şəxslərlə məhdudlaşmır. Avqustun sonunda Xorvatiyada 13,6 mindən çox hüquqi şəxsin və sahibkarlıq subyektinin də ödənilməmiş öhdəlikləri olub. Onların ümumi əsas borcu təxminən 413,5 milyon avro təşkil edib.

Bloklanmış hesablar üzrə statistika Xorvatiyada ev təsərrüfatlarının və biznesin maliyyə dayanıqlığı ilə bağlı mühüm göstəricilərdən biri hesab olunur. Hesabın bloklanması borcun məcburi qaydada tutulması proseduru çərçivəsində həyata keçirilir və borclunun hesabına daxil olan vəsait müəyyən qaydalarla kreditorların tələblərinin ödənilməsinə yönəldilir.

Son dövrdə enerji, mənzil, ərzaq və xidmət qiymətlərində artım əhalinin gündəlik xərclərini yüksəldib. Kredit ödənişləri və digər maliyyə öhdəlikləri ilə birlikdə bu vəziyyət bir sıra ailələrin büdcəsinə əlavə təzyiq yaradır.

Xorvatiya hökuməti inflyasiyanın və enerji qiymətlərinin təsirini yumşaltmaq məqsədilə müxtəlif dəstək mexanizmlərini davam etdirir. Bununla belə, borca görə hesabları bloklanan vətəndaşların sayının 192 mindən çox olması ev təsərrüfatlarının müəyyən hissəsinin maliyyə çətinlikləri ilə üzləşdiyini göstərir.

Hüquqi şəxslərin borcluluğu da biznes mühitinin vəziyyətinin qiymətləndirilməsi baxımından əhəmiyyətlidir. Xüsusilə kiçik və orta sahibkarlıq subyektləri üçün enerji, əmək və maliyyələşmə xərclərinin yüksəlməsi likvidliyə əlavə təzyiq yarada bilər.

Xorvatiya Avrozonanın üzvüdür və ölkənin maliyyə sistemi Avropa Mərkəzi Bankının pul-kredit siyasətindən birbaşa təsirlənir. Buna görə faiz dərəcələri, inflyasiya və gəlirlərin dinamikası əhalinin və şirkətlərin borc yükünün gələcək inkişafına təsir göstərən əsas amillər sırasında qalır.

Yunanıstan və Rumıniya iqtisadi əməkdaşlığın, o cümlədən enerji, nəqliyyat bağlantıları, ticarət və investisiya əlaqələrinin daha da genişləndirilməsi imkanlarını müzakirə ediblər.

Presedenttv.com AZƏRTAC-a istinadla xəbər verir ki, Yunanıstanın “Kathimerini” nəşrinin məlumatına görə, bu məsələlər Yunanıstanın iqtisadiyyat və maliyyə naziri, Eurogroup-un prezidenti Kiriakos Pierrakakisin Buxarestdə Rumıniya Prezidenti Nikuşor Danla keçirdiyi görüşdə diqqət mərkəzində olub.

Yunanıstan və Rumıniya Cənub-Şərqi Avropanın enerji və nəqliyyat xəritəsində mühüm mövqeyə malikdir. İki ölkə arasında əməkdaşlığın genişləndirilməsi Balkanlarda şimal-cənub istiqamətində enerji və yük axınlarının diversifikasiyası baxımından xüsusi əhəmiyyət daşıyır.

Son illərdə Yunanıstan regionun qaz təchizatı mərkəzlərindən birinə çevrilmək istiqamətində infrastrukturunu genişləndirir. Ölkənin LNG terminalları, Trans-Adriatik Boru Kəməri, Yunanıstan–Bolqarıstan interkonnektoru və digər bağlantılar Cənub-Şərqi Avropa bazarlarına alternativ qaz mənbələrinin çatdırılmasına imkan verir.

Rumıniya isə Qara dənizdəki enerji ehtiyatları, elektrik istehsalı imkanları və Mərkəzi Avropa bazarlarına coğrafi yaxınlığı ilə regional enerji təhlükəsizliyində mühüm rol oynayır. Bu səbəbdən Afina və Buxarest arasında enerji bağlantılarının gücləndirilməsi Balkanlarda daha inteqrasiya olunmuş bazarın formalaşmasına töhfə verə bilər.

Nəqliyyat sahəsində əməkdaşlıq da görüşün mühüm istiqamətlərindən olub. Yunanıstanın Egey dənizi limanları ilə Bolqarıstan və Rumıniya üzərindən Qara dəniz və Mərkəzi Avropanı birləşdirən marşrutların inkişafı regionda alternativ logistika dəhlizlərinin əhəmiyyətini artırır.

Bu istiqamətdə layihələr Azərbaycanın da iştirak etdiyi Şərq-Qərb və Orta Dəhliz nəqliyyat sistemlərinin Avropa hissəsi baxımından maraq doğurur. Qara dəniz hövzəsi ilə Balkanların nəqliyyat və enerji infrastrukturlarının daha sıx inteqrasiyası Xəzər regionundan Avropaya yük və enerji axınlarının şaxələndirilməsi üçün əlavə imkanlar yarada bilər.

Yunanıstan və Rumıniya iqtisadi əməkdaşlığın, o cümlədən enerji, nəqliyyat bağlantıları, ticarət və investisiya əlaqələrinin daha da genişləndirilməsi imkanlarını müzakirə ediblər.

Presedenttv.com AZƏRTAC-a istinadla xəbər verir ki, Yunanıstanın “Kathimerini” nəşrinin məlumatına görə, bu məsələlər Yunanıstanın iqtisadiyyat və maliyyə naziri, Eurogroup-un prezidenti Kiriakos Pierrakakisin Buxarestdə Rumıniya Prezidenti Nikuşor Danla keçirdiyi görüşdə diqqət mərkəzində olub.

Yunanıstan və Rumıniya Cənub-Şərqi Avropanın enerji və nəqliyyat xəritəsində mühüm mövqeyə malikdir. İki ölkə arasında əməkdaşlığın genişləndirilməsi Balkanlarda şimal-cənub istiqamətində enerji və yük axınlarının diversifikasiyası baxımından xüsusi əhəmiyyət daşıyır.

Son illərdə Yunanıstan regionun qaz təchizatı mərkəzlərindən birinə çevrilmək istiqamətində infrastrukturunu genişləndirir. Ölkənin LNG terminalları, Trans-Adriatik Boru Kəməri, Yunanıstan–Bolqarıstan interkonnektoru və digər bağlantılar Cənub-Şərqi Avropa bazarlarına alternativ qaz mənbələrinin çatdırılmasına imkan verir.

Rumıniya isə Qara dənizdəki enerji ehtiyatları, elektrik istehsalı imkanları və Mərkəzi Avropa bazarlarına coğrafi yaxınlığı ilə regional enerji təhlükəsizliyində mühüm rol oynayır. Bu səbəbdən Afina və Buxarest arasında enerji bağlantılarının gücləndirilməsi Balkanlarda daha inteqrasiya olunmuş bazarın formalaşmasına töhfə verə bilər.

Nəqliyyat sahəsində əməkdaşlıq da görüşün mühüm istiqamətlərindən olub. Yunanıstanın Egey dənizi limanları ilə Bolqarıstan və Rumıniya üzərindən Qara dəniz və Mərkəzi Avropanı birləşdirən marşrutların inkişafı regionda alternativ logistika dəhlizlərinin əhəmiyyətini artırır.

Bu istiqamətdə layihələr Azərbaycanın da iştirak etdiyi Şərq-Qərb və Orta Dəhliz nəqliyyat sistemlərinin Avropa hissəsi baxımından maraq doğurur. Qara dəniz hövzəsi ilə Balkanların nəqliyyat və enerji infrastrukturlarının daha sıx inteqrasiyası Xəzər regionundan Avropaya yük və enerji axınlarının şaxələndirilməsi üçün əlavə imkanlar yarada bilər.

İraqın Baş naziri Əli Faleh əz-Zeydi Meysan Əməliyyatlar Komandanlığının fəaliyyətinin araşdırılması barədə göstəriş verib və komandanlığın rəhbərini vəzifəsindən azad edib.

Presedenttv.com AZƏRTAC-a istinadla xəbər verir ki, qərar Səudiyyə Ərəbistanına qarşı son hücumların İraqın Meysan vilayətindən həyata keçirildiyinin müəyyənləşdirilməsindən sonra qəbul olunub.

İraq hökuməti Səudiyyə Ərəbistanının təhlükəsizliyinə qarşı hər hansı hücumu və iki ölkə arasındakı münasibətlərə xələl gətirə biləcək hərəkətləri rədd etdiyini bildirib. Rəsmi Bağdad hücumların arxasında duran tərəfin müəyyənləşdirilməsi məqsədilə təcili araşdırma başladıldığını açıqlayıb.

Baş nazir Əli Faleh əz-Zeydi hökumətin İraqın təhlükəsizliyinə və dost ölkələrlə münasibətlərinə təhdid yaradan hər hansı fəaliyyətə dözməyəcəyini vurğulayıb.

Bundan əlavə, İraqın İranla sərhədində yerləşən Şələmçə, Şib və Mandəli sərhəd-keçid məntəqələrinin tamamilə bağlandığı bildirilib.

Xatırladaq ki, Səudiyyə Ərəbistanı Şərq-Qərb neft kəmərinə dron hücumlarının İraq ərazisindən həyata keçirildiyini açıqlayıb. Şərq-Qərb kəməri ölkənin şərqində yerləşən yataqlardan hasil edilən neftin Qırmızı dəniz sahilindəki Yənbu limanına nəql olunması üçün istifadə edilir.

Kəmər ABŞ-İran müharibəsi fonunda qlobal neft tədarükünə yaranan təzyiqin azaldılmasında mühüm rol oynayır.

İraqın Baş naziri Əli Faleh əz-Zeydi Meysan Əməliyyatlar Komandanlığının fəaliyyətinin araşdırılması barədə göstəriş verib və komandanlığın rəhbərini vəzifəsindən azad edib.

Presedenttv.com AZƏRTAC-a istinadla xəbər verir ki, qərar Səudiyyə Ərəbistanına qarşı son hücumların İraqın Meysan vilayətindən həyata keçirildiyinin müəyyənləşdirilməsindən sonra qəbul olunub.

İraq hökuməti Səudiyyə Ərəbistanının təhlükəsizliyinə qarşı hər hansı hücumu və iki ölkə arasındakı münasibətlərə xələl gətirə biləcək hərəkətləri rədd etdiyini bildirib. Rəsmi Bağdad hücumların arxasında duran tərəfin müəyyənləşdirilməsi məqsədilə təcili araşdırma başladıldığını açıqlayıb.

Baş nazir Əli Faleh əz-Zeydi hökumətin İraqın təhlükəsizliyinə və dost ölkələrlə münasibətlərinə təhdid yaradan hər hansı fəaliyyətə dözməyəcəyini vurğulayıb.

Bundan əlavə, İraqın İranla sərhədində yerləşən Şələmçə, Şib və Mandəli sərhəd-keçid məntəqələrinin tamamilə bağlandığı bildirilib.

Xatırladaq ki, Səudiyyə Ərəbistanı Şərq-Qərb neft kəmərinə dron hücumlarının İraq ərazisindən həyata keçirildiyini açıqlayıb. Şərq-Qərb kəməri ölkənin şərqində yerləşən yataqlardan hasil edilən neftin Qırmızı dəniz sahilindəki Yənbu limanına nəql olunması üçün istifadə edilir.

Kəmər ABŞ-İran müharibəsi fonunda qlobal neft tədarükünə yaranan təzyiqin azaldılmasında mühüm rol oynayır.