https://presedenttv.com/ tr Gündəm - Presedenttv.com DataLife Engine https://presedenttv.com/gundem/1576-prezident-ilham-liyev-abseron-batareya-enerji-saxlanc-mrkzinin-acilisinda-istirak-etdi.html https://presedenttv.com/gundem/1576-prezident-ilham-liyev-abseron-batareya-enerji-saxlanc-mrkzinin-acilisinda-istirak-etdi.html Qeyd edək ki, Azərbaycan enerji sahəsində yeni inkişaf mərhələsinə daxil olur. Prezident İlham Əliyevin tapşırığına əsasən “AzərEnerji” ASC tərəfindən 100 faiz daxili maliyyə vəsaiti hesabına iki əsas yarımstansiyada - 500 kV-luq “Abşeron” və 220 kV-luq “Ağdaş” yarımstansiyalarının ərazilərində ümumi gücü 250 MVt, enerji tutumu isə 500 MVt/saat olan böyük enerji saxlanc mərkəzləri yaradılıb. Belə miqyasda bu cür mərkəzlərin qurulması yalnız Azərbaycanda deyil, ümumilikdə MDB regionunda ilkdir.
Layihə çərçivəsində “Abşeron” Batareya Enerji Saxlanc Mərkəzinin ərazisində 50 akkumulyator batareya və 13 invertor konteyneri quraşdırılıb. Beynəlxalq məsləhətçi şirkətlərin (ABŞ-nin TETRA Tech və Türkiyənin EPRA) apardıqları araşdırma Azərbaycanda təxminən 1850 MVt gücündə bərpaolunan enerji mənbələrinin təhlükəsiz şəkildə enerji sisteminə qoşulması üçün bu cür batareya sistemlərinin yaradılmasının zəruri olduğunu göstərib.
Batareya Enerji Saxlanc Mərkəzi çevikliyi ilə seçilir. Belə ki, onlar 2 saat ərzində tam doldurula və ya boşaldıla bilər. Artıq enerji, o cümlədən günəşli saatlarda istehsal olunan enerji burada toplanır və pik saatlarda - enerjiyə tələbat artan zaman avtomatik olaraq şəbəkəyə verilir. Bir sözlə, bu sistemlər enerjini yığıb saxlayır, lazım gəldikdə isə onu istifadəyə yönəldir.
Belə Mərkəzin tətbiqi enerji şəbəkəsinə bir çox üstünlüklər verir. Məsələn, SCADA sistemi ilə enerji sisteminə real vaxt rejimində nəzarət olunur, şəbəkədə sabitlik, o cümlədən tezlik və gərginlik qorunur, qəfil enerji çatışmazlıqları avtomatik tənzimlənir, qəzaların təsiri azalır və sistem daha etibarlı olur. Bundan başqa, pik saatlarda elektrikə tələbat daha rahat qarşılanır, Günəş və külək enerjisindəki fasilələrin təsiri azalır, enerji sisteminin sıfırdan bərpası mümkün olur. Eyni zamanda, Günəş batan saatlarda yük dəyişiklikləri daha rahat idarə edilir.
Bir sözlə, Batareya Enerji Saxlanc Mərkəzinin yaradılması Azərbaycanın enerji sistemini daha müasir, çevik və dayanıqlı edir. Xüsusilə Günəş və külək enerjisinin artdığı bir dövrdə bu cür saxlanc sistemləri gələcəyin enerji modelinin əsas hissəsi hesab olunur.
“Abşeron” Batareya Enerji Saxlanc Mərkəzində bu sistemləri idarə etmək üçün xüsusi mərkəz yaradılıb.
Ərazidə müasir idarəetmə binası tikilib, geniş abadlıq və yaşıllaşdırma işləri görülüb.
Dövlətimizin başçısına bərpaolunan enerji mənbələrinin enerjisistemə inteqrasiyası və enerjisistemin rəqəmsal transformasiyası haqqında da məlumat verildi.
Bildirildi ki, yaxın perspektivdə böyükhəcmli bərpaolunan enerji mənbələri enerjisistemə inteqrasiya ediləcək və 2028-ci ildə ümumilikdə 2100 MVt-dan çox yaşıl enerji artıq şəbəkədə olacaq.
Bütün bunlar nəzərə alınaraq Azərbaycanda tikilən 2 GVt bərpaolunan enerji mənbələrinin enerjisistemə inteqrasiyasını dayanıqlı və təhlükəsiz şəkildə həyata keçirmək, Bakının, o cümlədən Ələt Azad İqtisadi Zonasının enerji təchizatında yaşıl enerji payını yüksəltmək, 500/330 kV-luq “Nəvahi Yaşıl Enerji” qovşağını ölkə enerjisistemi ilə birbaşa tam əlaqələndirməklə onu əsas qovşaq yarımstansiyalarından birinə çevirmək üçün icra edilən “AZURE” layihəsi çərçivəsində işlərin əsas mərhələsi artıq yekunlaşıb.
Layihə çərçivəsində “Nəvahi” yarımstansiyasına “Abşeron” yarımstansiyasından 65 kilometr məsafədə 500 kV-luq, “Bankə” və “Biləsuvar” Günəş Elektrik stansiyalarından isə ümumilikdə 181 kilometr məsafədə 330 kV-luq ötürmə xətləri çəkilib. Perspektivdə “Nəvahi” yarımstansiyasına Mingəçevirdən 235 kilometr 500 kV-luq, Qobu, Ələt və Qobustandan isə ümumilikdə 103 kilometr 330 kV-luq ötürmə xətlərinin çəkilişi nəzərdə tutulur.
Son 7 ildə 4700 kilometr fiber-optik kabel infrastrukturu yaradılıb, 550-dən çox enerji obyektini əhatə edən mərkəzi SCADA sistemi qurulub.
Enerjisistemdə onlayn diaqnostika texnologiyaları (AGC, WAMS/WACS), süni intellekt əsaslı qəza proqnozlaşdırma və diaqnostika sistemləri tətbiq olunur. Günəş və külək stansiyaları üçün yüksəkdəqiqlikli proqnozlaşdırma sistemi hazırlanır.
“AzərEnerji” ASC-nin daxili strukturunda enerjisistemin tam avtomatlaşdırılmış idarə edilməsi məqsədilə Rəqəmsal İdarəetmə Departamenti yaradılıb.
Elektrik enerjisi istehlakının 2032-ci ilədək təxminən 17 faiz artacağı proqnozlaşdırılır. Həmin dövrədək 8 GVt BOEM gücləri yaradılacaq.
Yaşıl enerjinin Qara dəniz kabeli, regional enerji dəhlizləri və digər layihələr vasitəsilə Avropa bazarlarına ixracı əsas hədəfdir. Qara dəniz kabelinin 1300 MVt yaşıl enerjiötürmə imkanı olacaq.
Dövlətimizin başçısı “Abşeron” Batareya Enerji Saxlanc Mərkəzinin açılışını bildirən düyməni basdı. ]]> admin Wed, 25 Mar 2026 12:41:41 +0400 https://presedenttv.com/gundem/1465-shidlrimizi-hec-vaxt-unutmadiq-unutmayacagiq.html https://presedenttv.com/gundem/1465-shidlrimizi-hec-vaxt-unutmadiq-unutmayacagiq.html 1990-cı ilin yanvarında Bakı qara paltara büründü...  
Amma bu qaranlığın içində bir millətin vicdanı, ruhu alovlandı.  
O gecə təkcə silahlar susmadı, insanlıq da susdu. Lakin susmayan bir şey vardı — Azərbaycanın azadlıq səsi.
20 Yanvar şəhidləri bizə azadlığın qiymətini qanla yazdı.
Onları unutmadıq, unutmayacağıq!  
Çünki bu millətin yaddaşı şəhidlərinin adı ilə döyünür..."
Allah bütün şəhidlərimizə rəhmət eləsin!


]]> admin Tue, 20 Jan 2026 20:00:20 +0400 https://presedenttv.com/gundem/1464-shidlrimiz-hec-zaman-unudulmayacaq.html https://presedenttv.com/gundem/1464-shidlrimiz-hec-zaman-unudulmayacaq.html Bu gün 20 yanvar, hər kəsin yaddaşına qanla yazılan bir gündür. Hamının ehtiramla şəhidlərimizi ziyarət edəcəkləri gün. Bəli... hər il olduğu kimi bu gün də Azərbaycan xalqı şəhidlərimizi qürur hissi ilə anmağa hazırlaşır. Azərbaycanı öz qanları ilə azadlığa qovuşduran şəhidlərim, Allah sizlərə rəhmət eləsin.

Müxbir; İlham Əmirov ]]> admin Tue, 20 Jan 2026 07:00:26 +0400 https://presedenttv.com/gundem/1458-filarmoniyada-20-yanvar-facisi-qurbanlarinin-xatirsi-anilacaq.html https://presedenttv.com/gundem/1458-filarmoniyada-20-yanvar-facisi-qurbanlarinin-xatirsi-anilacaq.html Yanvarın 20-də Müslüm Maqomayev adına Azərbaycan Dövlət Akademik Filarmoniyasında 20 Yanvar faciəsi qurbanlarının əziz xatirəsinə həsr olunmuş anım mərasimi keçiriləcək.
Filarmoniyadan Presedenttv.com-a bildirilib ki, tədbirdə Ü.Hacıbəyli adına Azərbaycan Dövlət Simfonik Orkestri dirijor Mustafa Mehmandarovun rəhbərliyi ilə çıxış edəcək.
Anım mərasiminin proqramında Azərbaycan və dünya klassik musiqisinin dəyərli nümunələri yer alıb. İfa olunacaq əsərlər arasında Q.Qarayevin “İldırımlı yollarla” baletindən final səhnəsi, A.Məlikovun “Axırıncı aşırım” simfonik poeması, A.Əlizadənin “Muğamvari” IV simfoniyasının final hissəsi, S.Barber'in məşhur “Adagio” əsəri xüsusi yer tutur.
Bu musiqi gecəsi milli yaddaşımıza həkk olunmuş 20 Yanvar faciəsi qurbanlarının xatirəsinə ehtiramın ifadəsi olmaqla yanaşı, musiqinin dili ilə hüznü, qüruru və xalqımızın sarsılmaz ruhunu əks etdirəcək.
M.Maqomayev adına Azərbaycan Dövlət Akademik Filarmoniyası hər kəsi bu mənalı anım mərasimində iştirak etməyə dəvət edir. Giriş sərbəstdir. ]]> admin Sat, 17 Jan 2026 06:17:34 +0400 https://presedenttv.com/gundem/1453-prezident-ilham-liyev-agdrnin-glck-inkisafi-cox-parlaq-olacaq.html https://presedenttv.com/gundem/1453-prezident-ilham-liyev-agdrnin-glck-inkisafi-cox-parlaq-olacaq.html Ağdərə şəhərini də biz yenidən quracağıq, necə ki, artıq doqquz kəndi abadlaşdırmışıq. Şəhəri də quracağıq.
Presedenttv.com xəbər verir ki, bu sözləri Prezident İlham Əliyev Ağdərənin Aşağı Oratağ, Çıldıran, Heyvalı və Çapar kəndlərinin sakinləri ilə görüşdə söyləyib.
Buranın çox gözəl sənaye və turizm mərkəzi olacağını vurğulayan Prezident qeyd edib: “Bu səfalı yerlər göz oxşayır. Hər tərəf dağ, meşə, gözəl hava, bulaqlar, çaylar. Ona görə Ağdərənin gələcək inkişafı çox parlaq olacaq”. ]]> admin Tue, 13 Jan 2026 21:16:07 +0400 https://presedenttv.com/gundem/1451-azrbaycan-prezidenti-yagis-sularinin-idar-olunmasi-ucun-bakinin-30-kucsind-yeni-kollektor-sbksi-qurulacaq.html https://presedenttv.com/gundem/1451-azrbaycan-prezidenti-yagis-sularinin-idar-olunmasi-ucun-bakinin-30-kucsind-yeni-kollektor-sbksi-qurulacaq.html Leysan yağışları yağan kimi şəhər nəqliyyatı iflic vəziyyətinə düşür, çox ciddi problemlər yaşanır. Düzdür, bu, təkcə Bakıda, Azərbaycanda deyil.
Presedenttv.com xəbər verir ki, bu sözləri Prezident İlham Əliyev Bakı şəhəri və Abşeron yarımadasında su təchizatı, tullantı və yağış suları sistemlərinin təkmilləşdirilməsinə dair 2026-2035-ci illər üzrə Dövlət Proqramına həsr olunan müşavirədə çıxışında deyib.
Dövlətimizin başçısı əlavə edib ki, yağış sularının idarə olunması üçün Bakının 30 küçəsində yeni kollektor şəbəkəsi də qurulacaq və bunun çox böyük faydası olacaq. ]]> admin Mon, 12 Jan 2026 20:49:54 +0400 https://presedenttv.com/gundem/1430-prezident-ilham-liyevin-dogum-gunudur-xalqin-sevimli-liderin-tbriklr-yagir.html https://presedenttv.com/gundem/1430-prezident-ilham-liyevin-dogum-gunudur-xalqin-sevimli-liderin-tbriklr-yagir.html
Bu gün 24 dekabr tarixi Azərbaycanın müasir tarixində xüsusi yeri olan bir gün – ölkə Prezidenti, Ali Baş Komandan İlham Əliyevin doğum günüdür. Prezident İlham Əliyev 1961-ci ildə anadan olmuşdur. O, 2003-cü ildən Azərbaycan Respublikasının Prezidenti kimi fəaliyyət göstərir.

Dövlət başçısının rəhbərliyi ilə Azərbaycan son illərdə böyük uğurlara imza atmış, iqtisadi, siyasi və sosial sahələrdə sürətli inkişaf yolu keçmişdir. 2020-ci ildə Ali Baş Komandan kimi Azərbaycan Ordusunu Zəfərə aparan İlham Əliyev xalqın yaddaşında qalib lider kimi tarixə düşmüşdür.

Prezident İlham Əliyev həm ölkə daxilində, həm də beynəlxalq arenada güclü lider obrazı ilə tanınır. Onun məqsədyönlü siyasəti sayəsində Azərbaycan dünya miqyasında nüfuz qazanmışdır.

Bu əlamətdar gündə ölkənin hər yerindən, eləcə də xaricdən dövlət başçısına təbriklər ünvanlanır. Prezident İlham Əliyevə doğum günü münasibətilə uzun ömür, möhkəm can sağlığı və ölkəmizin gələcək inkişafı naminə fəaliyyətində davamlı uğurlar arzulayırıq.

Ad gününüz mübarək, cənab Prezident!

Baş redaktor: İntizar Əmirova  ]]> admin Wed, 24 Dec 2025 10:27:16 +0400 https://presedenttv.com/gundem/1386-10-dekabr-umummilli-lider-heydr-liyevin-anim-gunudur.html https://presedenttv.com/gundem/1386-10-dekabr-umummilli-lider-heydr-liyevin-anim-gunudur.html Hər il bu tarixdə Azərbaycanda və dünyanın müxtəlif ölkələrində Ulu Öndər Heydər Əliyevin xatirəsi dərin ehtiramla yad edilir. 2003-cü il dekabrın 12-də vəfat edən Ulu Öndərin ölümü xalq üçün böyük itki olmuş, lakin onun ideyaları bu gün də yaşayır və inkişaf edir.

Azərbaycanın müstəqilliyinin möhkəmlənməsi, dövlətçiliyin bərqərar olması, ordu quruculuğu, iqtisadi islahatlar və beynəlxalq münasibətlər sahəsində Heydər Əliyevin tarixi xidmətləri xalqımız tərəfindən hər zaman yüksək qiymətləndirilir.

Hər il bu gün Fəxri Xiyabanda Ulu Öndərin məzarı ziyarət olunur, gül-çiçək dəstələri düzülür, ölkə miqyasında silsilə anım tədbirləri keçirilir. Məktəblərdə, ali təhsil müəssisələrində, mədəniyyət ocaqlarında Heydər Əliyevin həyat və fəaliyyəti ilə bağlı tədbirlər təşkil olunur. ]]> admin Fri, 12 Dec 2025 07:26:43 +0400 https://presedenttv.com/gundem/1254-bu-gun-konstitusiya-gunudur.html https://presedenttv.com/gundem/1254-bu-gun-konstitusiya-gunudur.html Noyabrın 12-si Azərbaycan Respublikasının Konstitusiya Günüdür. Bu gün Azərbaycan Respublikası Konstitusiyasının qəbul edilməsindən 30 il ötür.
Presedenttv.com xəbər verir ki, 30 il bundan öncə müstəqil Azərbaycanın çoxəsrlik dövlətçilik ənənələrinə sadiqlik, suveren, demokratik, dünyəvi, hüquqi dövlət qurmaq, vətəndaş cəmiyyətini bərqərar etmək kimi ülvi niyyətlər bəyan edilməklə Ulu Öndər Heydər Əliyevin rəhbərliyi ilə hazırlanan Konstitusiya 1995-ci il noyabrın 12-də keçirilmiş ümumxalq səsverməsi (referendum) yolu ilə qəbul edilib. Dövlətin Əsas Qanunu 1995-ci il noyabrın 27-də qüvvəyə minib. Konstitusiya bir əsrə yaxın dövrdən sonra yenidən müstəqilliyini bərpa etmiş Azərbaycan dövlətinin ictimai-siyasi, hüquqi quruluşunu, gələcək inkişaf istiqamətini müəyyən edib.
Həmin sənəd müstəqil Azərbaycanın ilk, ümumilikdə isə ölkəmizin tarixində dördüncü Konstitusiyadır. Azərbaycanın Konstitusiya quruluşunun tarixi SSRİ dövrünə təsadüf edir. Azərbaycanın ilk Konstitusiyası 1921-ci il mayın 19-da, SSRİ Konstitusiyasına uyğunlaşdırılmış yeni redaksiyası isə 1925-ci il martın 14-də qəbul olunub. 1978-ci il aprelin 21-də qəbul edilmiş Konstitusiya da əvvəlki konstitusiyalar kimi SSRİ Konstitusiyasına uyğunlaşdırılmışdı.

Dövlət müstəqilliyinin bərpa olunduğu ilk illərdə Ulu Öndər Heydər Əliyevin böyük uzaqgörənliklə həyata keçirdiyi əsaslı islahatlar qanunların aliliyini təmin edən, hüquqi, dünyəvi dövlət quruculuğuna yol açan yeni milli Konstitusiyanın hazırlanmasına və qəbuluna şərait yaratdı.
Konstitusiyanın qəbulu müstəqillik tariximizin ən mühüm hadisələrindən biri olmaqla yanaşı, Ümummilli Lider Heydər Əliyevin Azərbaycan dövlətçiliyi qarşısındakı böyük xidmətlərindən biridir. Bu Konstitusiya müstəqil dövlət quruculuğu prosesini tənzimləyən, demokratik inkişafa təminat yaradan, cəmiyyətin siyasi, sosial, mədəni, iqtisadi sahələrində köklü dəyişiklikləri özündə ehtiva edən, qanunvericiliyin təkmilləşdirilməsində hüquqi baza rolunu oynayan mütərəqqi sənəd idi.
Məhz bunun nəticəsində müstəqil Azərbaycanın Konstitusiyası insan və vətəndaş hüquq və azadlıqlarının təmin olunmasını dövlətin ali məqsədi kimi bəyan etdi. Hakimiyyət bölgüsünün əsas prinsiplərini müəyyənləşdirdi. İnsan və vətəndaş hüquqlarının, azadlıqlarının müdafiəsini qanunvericilik, icra və məhkəmə hakimiyyəti orqanları üzərinə ümdə vəzifə olaraq qoydu. Şəxsiyyətin toxunulmazlığı, insan həyat və sağlamlığının qorunması, layiqli həyat səviyyəsinin təmin olunması, humanizm prinsipləri məhz Azərbaycan Konstitusiyasının başlıca mahiyyətini təşkil edir. Belə ki, 5 bölmə, 12 fəsil, 158 maddədən ibarət Konstitusiyada insan hüquq və azadlıqlarına geniş yer verilməsi ölkəmizin demokratiya ideallarına sadiqliyinin göstəricisidir.
Müstəqil respublikamızın Konstitusiyası ölkəmizdə demokratik, hüquqi, dünyəvi dövlət quruculuğu prosesinə hüquqi baza yaratdı və onun inkişafına güclü təkan verdi. Konstitusiyanın qəbul edildiyi gün - noyabrın 12-də respublika parlamentinə ilk dəfə çoxpartiyalı sistem əsasında demokratik seçkilər də keçirildi. İlk Konstitusiyanın milli dövlətçilik tarixində müstəsna əhəmiyyəti nəzərə alınaraq, 1996-cı il 1 noyabr tarixli Fərmana əsasən, hər il noyabrın 12-si Konstitusiya Günü kimi qeyd edilməyə başlandı.

Azərbaycanın ilk Konstitusiyası qəbul edilərkən hüquqi dövlət quruculuğunun müasir meyillərinə istinad olunub, ölkəmizin hüquq sistemi üçün yeni təsisatın – konstitusiya ədalət mühakiməsi orqanının yaradılması nəzərdə tutulub, bu təsisatın dövlət hakimiyyəti sistemində yeri və rolu müəyyənləşdirilib. Bu müddəaya əsasən, 1997-ci il oktyabrın 21-də “Konstitusiya Məhkəməsi haqqında” Azərbaycan Respublikasının Qanunu qəbul edildi. 1998-ci il iyulun 14-də Milli Məclisin Qərarı ilə Konstitusiya Məhkəməsinin yeddi hakimi təyin olundu. İyulun 18-də isə Ulu Öndər Heydər Əliyev Konstitusiya Məhkəməsinin müstəqilliyinin və hakimlərinin hüquqi statusunun təmin edilməsi barədə Fərman imzaladı. Bununla da, Konstitusiya Məhkəməsi rəsmən fəaliyyətə başladı. Doqquz hakimdən ibarət bu qurum qanunların Konstitusiyaya uyğunluğunu yoxlamaqla, qanunlara şərh verməklə, prezident və parlament seçkilərinin nəticələrini təsdiqləməklə, hətta vətəndaşların birbaşa müraciəti əsasında müvafiq qərarlar qəbul etməklə, bütövlükdə, Konstitusiyanın aliliyini qoruyur.
Ötən 30 ildə yeni dövrün tələblərinin yaratdığı zərurətlə əlaqədar Azərbaycan Konstitusiyasına bir neçə dəfə əhəmiyyətli dəyişikliklər və əlavələr edilib. 2002-ci il avqustun 24-də referendum yolu ilə Konstitusiyanın 24 maddəsində 29, 2009-cu il martın 18-də isə 25 maddəyə 30-dan artıq əlavə və dəyişiklik olunub. Bu dəyişikliklər Azərbaycan dövlətinin sosial-iqtisadi bazasının daha da güclənməsindən, vətəndaşların hüquq və azadlıqlarına daha etibarlı təminat verilməsindən, sosial dövlət prinsiplərini təsbit etmək imkanlarının daha da genişlənməsindən irəli gəlirdi.

Prezident İlham Əliyevin təşəbbüsü ilə 2016-cı il sentyabrın 26-da keçirilmiş referendumla Konstitusiyaya üçüncü dəfə əlavə və dəyişikliklər edilib. Konstitusiyanın 29 maddəsinə edilən 41 əlavə və dəyişiklik müxtəlif sahələri əhatə etməklə, ali dövlət hakimiyyəti, məhkəmə hakimiyyəti orqanlarının və bələdiyyələrin işinin təkmilləşdirilməsinə, insan hüquq və azadlıqlarının daha səmərəli təmin edilməsinə, hüquq və azadlıqların müdafiəsində dövlət və bələdiyyələrin məsuliyyətinin artırılmasına yönəlib. Beləliklə, edilən əlavə və dəyişikliklər nəticəsində Əsas Qanunumuz daha da təkmilləşdirilərək yeni dövrün tələblərinə uyğunlaşdırılıb.
Konstitusiya Məhkəməsi Vətən müharibəsi zamanı ölkəmizin haqq səsinin beynəlxalq ictimaiyyətin diqqətinə çatdırılması istiqamətində fəal iş apardı. Həmin dövrdə Konstitusiya Məhkəməsinin dünyanın bütün Konstitusiya məhkəmələrinə ünvanladığı bəyanatlarda Ermənistanın Azərbaycana qarşı hərbi təxribatlarının mütəmadi xarakter aldığı vurğulanıb. Bu təxribatlar nəticəsində Azərbaycanın Qarabağdan uzaqdakı şəhərlərinin ağır artilleriya atəşinə məruz qalmasının həm hərbi, həm də mülki əhali arasında itkilərə səbəb olduğu qeyd edilib. Bəyanatda diqqətə çatdırılıb ki, BMT, Avropa Şurası, ATƏT, Avropa İttifaqı və digər beynəlxalq təşkilatların qəbul etdikləri qərar və qətnamələrdə Dağlıq Qarabağın Azərbaycanın ayrılmaz tərkib hissəsi olduğu açıq şəkildə təsdiq edilir.
Azərbaycanın məhkəmə-hüquq tarixində ən mühüm hadisələrdən biri də 2023-cü il iyulun 14-də baş verib. Həmin gün Konstitusiya Məhkəməsinin hakimləri və məsul əməkdaşlarından ibarət nümayəndə heyəti Məhkəmənin Plenumunda baxılmış üç iş üzrə qərarları Şuşa şəhərində elan edib.
Ermənistanın hərbi təxribatları Vətən müharibəsindən sonrakı dövrdə də davam etdirilib. Qarabağ iqtisadi rayonunda törədilən genişmiqyaslı təxribatların qarşısının alınması, Azərbaycanın konstitusiya quruluşunun bərpa edilməsi məqsədilə 2023-cü il sentyabrın 19-da bölgədə lokal xarakterli antiterror tədbirləri başlanılıb. 23 saatdan 43 dəqiqə müddətində Azərbaycan Ordusunun yüksək peşəkarlıqla apardığı əməliyyatlar nəticəsində qarşıya qoyulan strateji hədəflərə uğurla nail olunub. Sentyabrın 19-20-də Azərbaycan növbəti möhtəşəm Zəfərə imza atıb və ölkəmizin dövlət suverenliyi tam bərpa edilib. Qazanılan Qələbə sayəsində dövlətimizin Əsas Qanununun hüquqi qüvvəsi və ədalət işğaldan azad edilmiş bütün torpaqlarımızda bərpa olunub. Konstitusiyada təsbit edilmiş hüquqların tam şəkildə bərpası üçün real zəmin yaranıb. Torpaqların azad olunması həm də vətəndaşlarımızın konstitusiya hüquqlarının bərpasının təminatıdır. ]]> admin Wed, 12 Nov 2025 09:41:35 +0400 https://presedenttv.com/gundem/1253-prezident-ilham-liyev-12-noyabr-konstitusiya-gunu-il-bagli-paylasim-etdi.html https://presedenttv.com/gundem/1253-prezident-ilham-liyev-12-noyabr-konstitusiya-gunu-il-bagli-paylasim-etdi.html Prezident İlham Əliyev 12 Noyabr - Konstitusiya Günü ilə bağlı sosial şəbəkə hesablarında paylaşım edib.
Presedenttv.com xəbər verir ki, paylaşımda deyilir:
“12 Noyabr - Azərbaycan Respublikasının Konstitusiya Günü”. ]]> admin Wed, 12 Nov 2025 09:34:17 +0400