https://presedenttv.com/ tr Hadisə - Presedenttv.com DataLife Engine https://presedenttv.com/hadise/1583-avtomobil-10-df-firlanaraq-asdi-xsart-alanlar-var.html https://presedenttv.com/hadise/1583-avtomobil-10-df-firlanaraq-asdi-xsart-alanlar-var.html Bakı Qazax avtomagistral yolu istiqamətində baş verən ağır yol-nəqliyyat hadisəsi baş verib. Hadisə yolun 75-ci kilometrliyində qeydə alınıb.
Presedenttv-nin məlumatına görə, 10 VG 434 dövlət nömrə nişanlı, “Range Rover” markalı minik avtomobili hərəkətdə olarkən naməlum səbəbdən idarəetmədən çıxıb. 
 Nəticədə avtomobil yüksək sürətin təsiri ilə təxminən 10 dəfə fırlanaraq yoldan çıxıb və aşıb. Qəzanın gücü nəticəsində nəqliyyat vasitəsi ciddi deformasiyaya uğrayıb.
Hadisə zamanı avtomobildə olan şəxslər xəsarət alıb. Bildirilir ki, yaralananlar arasında sürücünün həyat yoldaşı da var. Ümumilikdə 2 nəfər müxtəlif dərəcəli bədən xəsarətləri alaraq təcili tibbi yardım vasitəsilə xəstəxanaya çatdırılıb.
Hadisə yerinə aidiyyəti qurumların əməkdaşları cəlb olunub. Hazırda polis əməkdaşları tərəfindən hadisənin başvermə səbəbləri araşdırılır.
Qəzanın hansı səbəbdən baş verdiyi – sürət həddinin aşılması, texniki nasazlıq və ya digər amillərlə bağlı olub-olmaması hələlik dəqiqləşdirilir.

Müxbir: Fatimə Əmirova ]]> admin Mon, 30 Mar 2026 18:55:24 +0400 https://presedenttv.com/hadise/1582-xocsnd-sakinlr-cixilmaz-vziyytd-shid-ailsinin-evi-bel-su-altinda-qaldi.html https://presedenttv.com/hadise/1582-xocsnd-sakinlr-cixilmaz-vziyytd-shid-ailsinin-evi-bel-su-altinda-qaldi.html Respublikamızda iki gün davam edən leysan yağışlar ciddi fəsadlara səbəb olub.
Sakinlərin şikayətləri əsasında çəkliş qrupumuzla  Bakı şəh, Binəqədi ray, Xocasən qəsəbəsinə yollandıq. Çəkiliş zamanı ərazinin tamamilə su ilə dolu olduğunu, küçələrin və həyətlərin keçilməz vəziyyətinin şahidi olduq. Presedenttv.com-un məlumatına görə, ən ağrılı məqamlardan biri də şəhid İlqar Ramazanlının ailəsinin yaşadığı ev ilə şəhidin ev muzeyi su basqınına məruz qalıb. Onun anası vəziyyətlə bağlı şikayət edərək bildirib ki, şəhidə məxsus otaq belə su içində qalıb.
yorğan-döşəklər, məişət və elektrik avadanlıqları da daxil olmaqla, demək olar ki, bütün əşyalar suyun içində qalaraq yararsız vəziyyətə düşüb.
Sakinlərin sözlərinə görə, yaranmış vəziyyətlə bağlı dəfələrlə Azərbaycan Respublikasının Fövqəladə Hallar Nazirliyi ilə əlaqə saxlanılsa da, zənglərə cavab verilməyib.

Bundan əlavə, ərazi sakinləri bildirirlər ki, kanalizasiya sistemində mövcud problemlər uzun illərdir öz həllini tapmayıb. Onların iddiasına görə, məsul qurum olan Azərsu Açıq Səhmdar Cəmiyyəti tərəfindən bu istiqamətdə indiyədək effektiv tədbir görülməyib.
Qeyd edək ki, ərazidə su basma halları ilə bağlı şikayətlər xüsusilə son günlər daha da artıb. Sakinlər problemin təcili şəkildə aradan qaldırılmasını və aidiyyəti qurumların məsuliyyət daşımasını tələb edirlər.
Baş redaktor: İntizar Əmirova

]]> admin Sun, 29 Mar 2026 23:53:54 +0400 https://presedenttv.com/hadise/1578-noxani-yolunda-agir-qza-iki-hyundai-sonata-toqqusdu.html https://presedenttv.com/hadise/1578-noxani-yolunda-agir-qza-iki-hyundai-sonata-toqqusdu.html
Presedenttv.com xəbər verir ki, Noxanı yolu istiqamətində ağır yol-nəqliyyat hadisəsi baş verib. Hadisə zamanı iki Hyundai Sonata markalı minik avtomobili toqquşub.
Hadisə nəticəsində dövlət qeydiyyat nişanı 77-NP-153 olan avtomobilin arxa hissəsi ciddi zədələnib. Digər nəqliyyat vasitəsi — 50-EM-110 nömrəli avtomobilin isə ön hissəsi demək olar ki, yararsız vəziyyətə düşüb.
Hadisə yerindən əldə olunan görüntülər qəzanın güclü zərbə ilə baş verdiyini göstərir. Hər iki avtomobilə ciddi maddi ziyan dəyib.

İlkin ehtimallara görə, qəza işıqforla tənzimlənən yol hissəsində baş verib. Hadisənin səbəbi kimi sürət həddinin aşılması və ya yol hərəkəti qaydalarının pozulması göstərilir.
Hadisə yerinə aidiyyəti qurumların əməkdaşları cəlb olunub. Qəza nəticəsində xəsarət alan olmayıb.
Faktla bağlı araşdırma aparılır.

Baş redaktor: İntizar Əmirova ]]> admin Thu, 26 Mar 2026 13:36:26 +0400 https://presedenttv.com/siyaset/1571-gec-saat-0200-da-binqdid-tustu-il-musahid-olunan-dron-ucusu-sakinlri-tsvis-saldi.html https://presedenttv.com/siyaset/1571-gec-saat-0200-da-binqdid-tustu-il-musahid-olunan-dron-ucusu-sakinlri-tsvis-saldi.html Bakı – Binəqədi rayonu, 7 və 8-ci mikrorayon ərazisində gecə saat 02:00 radələrində tüstü ilə müşahidə olunan naməlum dronun uçuşu sakinlər arasında ciddi narahatlıq yaradıb.
Hadisə dünən gecə qeydə alınıb. Sakinlərin bildirdiyinə görə, dron həyət evlərinin üzərindən aşağı hündürlükdə hərəkət edərək bir neçə evin üzərindən keçib. Onların sözlərinə əsasən, uçuş adi haldan fərqli olaraq olduqca yaxın məsafədə həyata keçirilib.
Ən diqqətçəkən məqamlardan biri isə dronun hərəkəti zamanı tüstüyə bənzər iz buraxmasının müşahidə olunmasıdır. Bu hal sakinlər arasında əlavə narahatlıq və suallar yaradıb.
Vətəndaşlar qeyd edir ki, gecə saatlarında yaşayış evlərinin üzərində bu cür uçuşların həyata keçirilməsi şəxsi həyatın toxunulmazlığı ilə yanaşı, təhlükəsizlik baxımından da ciddi narahatlıq doğurur.
Sakinlər aidiyyəti qurumları məsələyə aydınlıq gətirməyə və bu kimi halların araşdırılmasını xahiş edirlər.
Məsələ ilə bağlı hələlik rəsmi qurumlar tərəfindən açıqlama verilməyib.

Baş redaktor: İntizar Əmirova ]]> admin Sun, 22 Mar 2026 09:00:12 +0400 https://presedenttv.com/hadise/1507-masazirda-bina-yanir.html https://presedenttv.com/hadise/1507-masazirda-bina-yanir.html Masazır qəsəbəsində yerləşən yaşayış binalarından birində qaz partlayışı nəticəsində yanğın olub. Hadisə Masazır şəhərcik ərazisində qeydə alınıb.
İlkin məlumata görə, partlayış binanın mənzillərindən birində baş verib və nəticədə yanğın yaranıb. Dərhal əraziyə Fövqəladə Hallar Nazirliyinin Dövlət Yanğından Mühafizə Xidmətinin qüvvələri cəlb olunub. Yanğın qısa müddətdə söndürülərək ətraf mənzillərə keçməsinin qarşısı alınıb.
Hadisə nəticəsində mənzilə və binaya maddi ziyan dəyib. Xəsarət alanların olub-olmaması ilə bağlı rəsmi məlumat verilməyib.
Faktla bağlı araşdırma aparılır, qaz partlayışının başvermə səbəbləri müvafiq qurumlar tərəfindən dəqiqləşdirilir.
Baş redaktor; İntizar Əmirova ]]> admin Thu, 29 Jan 2026 23:09:08 +0400 https://presedenttv.com/hadise/1454-binqdi-rayonunda-asfalt-yen-cokdu-avtomobil-quyuya-dusdu.html https://presedenttv.com/hadise/1454-binqdi-rayonunda-asfalt-yen-cokdu-avtomobil-quyuya-dusdu.html Binəqədi rayonunun Fərman Məlikov küçəsində yol örtüyündə yenidən çökmə baş verib. Yerli sakinlərin sözlərinə görə, bu hal uzun müddətdir davam edir və səbəb kimi həmin ərazilərdə su sızmalarının olması göstərilir.

Bildirilir ki, aidiyyəti qurumlar dəfələrlə həmin küçələrdə təmir işləri aparsa da, alt qatın dolğun bərkitməməsi nəticəsində torpaq təzyiqə davam gətirmir. Nəticədə asfalt tez-tez çökür və avtomobillər üçün təhlükə yaradır.

Sonuncu hadisə isə bu gün baş verib. 90-ZP-701 dövlət nömrə nişanlı Nissan markalı avtomobil yolda yaranan çökəklik səbəbindən quyuya düşüb. Hadisə zamanı xəsarət alan olmasa da, bu, ərazidə yaşayan sakinlər arasında narahatlıq yaradıb.

Sakinlər məsələ ilə bağlı problemin köklü şəkildə həll edilməsini tələb edirlər.

Müxbir: İlham Əmirov ]]> admin Wed, 14 Jan 2026 10:02:17 +0400 https://presedenttv.com/hadise/1450-qar-yagacaq-temperatur-5-10-drc-enck-yollar-buz-baglayacaq.html https://presedenttv.com/hadise/1450-qar-yagacaq-temperatur-5-10-drc-enck-yollar-buz-baglayacaq.html Bakıda və Abşeron yarımadasında yanvarın 13-ü axşamdan 14-ü axşamadək hava şəraitinin arabir yağıntılı olacağı, yanvarın 13-dən 14-nə keçən gecə və 14-də ayrı-ayrı yerlərdə yağıntının intensivləşəcəyi, bəzi şəhərətrafı ərazilərdə yağışın sulu qarla qarışıq yağacağı ehtimalı var.
Presedenttv.com xəbər verir ki, bu barədə Milli Hidrometeorologiya Xidmətinin yaydığı xəbərdarlıqda bildirilib.
Qeyd olunub ki, Azərbaycanın rayonlarında yanvarın 13-ü günün ikinci yarısı şimal və qərb rayonlarından başlayaraq 15-i axşamadək hava şəraitinin qeyri-sabit keçəcəyi, arabir yağıntılı olacağı, dağlıq və dağətəyi rayonlarda qar yağacağı gözlənilir. Bəzi yerlərdə yağıntıların intensivləşəcəyi ehtimal edilir.
Ölkə ərazisində qeyri-sabit hava şəraiti ilə əlaqədar havanın temperaturu ötən günlərlə müqayisədə tədricən 5-10 dərəcə enəcək.
Əsasən dağlıq və dağətəyi rayonlarda yolların buz bağlayacağı gözlənilir. ]]> admin Mon, 12 Jan 2026 20:44:23 +0400 https://presedenttv.com/cemiyyet/1249-taksi-surucusu-qadini-santaj-edir-azadliq-metrosu-yaxinliginda-narahatedici-hadis.html https://presedenttv.com/cemiyyet/1249-taksi-surucusu-qadini-santaj-edir-azadliq-metrosu-yaxinliginda-narahatedici-hadis.html Azadlıq metrosu ərazisində fəaliyyət göstərən “Şahinşah” restoranının qarşısında dayanan taksi sürücüsü, Faiq adlı şəxs barəsində narahatedici iddialar yayılıb. Bildirilir ki, həmin şəxs bir qadını şantaj edərək təhdid edir.

Presedenttv.com xəbər verir ki, Faiq adlı sürücü xanıma onunla birlikdə avtomobildə olduqları vaxtlara dair video görüntülərinin olduğunu bildirib və həmin videoları yaymaqla hədələyib. Mənbələr bildirir ki, bu videoların mövcudluğu ilə bağlı real sübut yoxdur və bu, sadəcə şantaj məqsədilə deyilmiş yalan ola bilər.

Şantaj və şəxsi həyat toxunulmazlığına qarşı bu kimi halların araşdırılması və zərərçəkmiş şəxslərin hüquqlarının qorunması üçün hüquq-mühafizə orqanlarının məsələ ilə bağlı araşdırma aparması zəruri hesab olunur.

Zərərçəkmiş şəxslərin təhlükəsizliyini təmin etmək və bu cür halların təkrarlanmaması üçün ictimaiyyətin məlumatlı olması vacibdir.

Xüsusi müxbir: İntizar Əmirova ]]> admin Mon, 10 Nov 2025 20:55:28 +0400 https://presedenttv.com/arasdirma/1232-agcabdid-qanunsuz-odun-dasinmasi-iddiasi.html https://presedenttv.com/arasdirma/1232-agcabdid-qanunsuz-odun-dasinmasi-iddiasi.html Ağcabədi sakini Əli adlı şəxs barəsində ciddi iddialar irəli sürülüb. Bildirilir ki, 13-BF-164 dövlət nömrə nişanlı "KamAZ" markalı yük maşını ilə bələdiyyəyə məxsus ərazidən icazəsiz şəkildə odun çıxarılır.

Şahidlərin sözlərinə görə, həmin şəxs Ucar rayonundakı nəzarət tərəzisindən yayınmaq üçün avtomobilin nömrələrinin üzərini ağ kağız vasitəsi ilə gizlədir.

Yerli sakinlər və ekoloji fəallar məsələ ilə bağlı aidiyyəti orqanların araşdırma aparmasını tələb edirlər. ]]> admin Tue, 28 Oct 2025 08:56:51 +0400 https://presedenttv.com/cemiyyet/1213-tikinti-sirktlrind-thluksizlik-qaydalarina-ml-olunmur.html https://presedenttv.com/cemiyyet/1213-tikinti-sirktlrind-thluksizlik-qaydalarina-ml-olunmur.html Bir sıra tikinti şirkətlərində əməkdaşların təhlükəsizlik qaydalarına riayət etməməsi ciddi narahatlıq doğurur. Presedenttv.com-a bildirilir ki, işçilər qoruyucu geyimlər və xüsusi qaskalardan istifadə etmədən binaların üst qatlarına, hündür sahələrə qalxaraq təmir-bərpa işləri aparırlar. Belə hadisələrdən biri də Azadlıq metrosunun yanında yerləşən binalarda baş verir.

Bu cür məsuliyyətsiz yanaşma həm əməkdaşların sağlamlığını, həm də ümumi təhlükəsizlik mühitini risk altına alır. Vətəndaşlar və Presedenttv.com aidiyyəti qurumları bu hallara nəzarət etməyə çağırır.

Xüsusi müxbir; İntizar Əmirova  ]]> admin Wed, 15 Oct 2025 18:43:15 +0400