İqtisadiyyat - Presedenttv.com https://presedenttv.com/ tr İqtisadiyyat - Presedenttv.com DataLife Engine Azərbaycanda növbəti torpaq hərracları elan edilib https://presedenttv.com/iqtisadiyyat/1236-azrbaycanda-novbti-torpaq-hrraclari-elan-edilib.html https://presedenttv.com/iqtisadiyyat/1236-azrbaycanda-novbti-torpaq-hrraclari-elan-edilib.html Bu ilin dekabrın 3-də Azərbaycanın müxtəlif regionlarında 11 torpaq hərracı keçiriləcək.
Presedenttv.com bu barədə İqtisadiyyat Nazirliyi yanında Əmlak Məsələləri Dövlət Xidmətinə (ƏMDX) istinadən xəbər verir.
Hərraclar Dövlət Xidmətinin Mingəçevir, Lənkəran, Ucar, Xaçmaz və Şəki ərazi şöbələrində təşkil olunacaq. Satışa bələdiyyə orqanlarına məxsus 11 torpaq sahəsi çıxarılacaq.
Hərraclar barədə ətraflı məlumatı buradan əldə etmək mümkündür. ]]> admin Fri, 31 Oct 2025 23:31:12 +0400 İSO-nun iş adamları Azərbaycanın biznes imkanları ilə tanış olublar https://presedenttv.com/iqtisadiyyat/1235-iso-nun-is-adamlari-azrbaycanin-biznes-imkanlari-il-tanis-olublar.html https://presedenttv.com/iqtisadiyyat/1235-iso-nun-is-adamlari-azrbaycanin-biznes-imkanlari-il-tanis-olublar.html
İqtisadiyyat naziri Mikayıl Cabbarov İstanbul Sənaye Palatasının (İSO) İdarə Heyətinin sədri Erdal Bahçıvanın rəhbərlik etdiyi nümayəndə heyəti ilə görüşüb.
Bu barədə "Report"a İqtisadiyyat Nazirliyindən bildirilib.
İqtisadiyyat naziri Azərbaycan və Türkiyə dövlət başçılarının siyasi iradəsinin, verdikləri tapşırıqların icrasının qarşılıqlı münasibətlərin möhkəmləndirilməsində önəmini vurğulayıb. Qeyd edilib ki, Türkiyə Azərbaycanın əsas ticarət tərəfdaşlarındandır və iki ölkə arasında imzalanmış Preferensial Ticarət Sazişi iqtisadi-ticarət əməkdaşlığının gücləndirilməsinə əlavə imkanlar açır. Qardaş ölkələr arasında uğurlu investisiya tərəfdaşlığı həyata keçirilir. Ölkələrimizin iştirakı ilə həyata keçirilən genişmiqyaslı layihələr regional əməkdaşlığı dərinləşdirməklə yanaşı, bölgənin mənzərəsini dəyişir.
Müzakirə zamanı İSO-ya üzv olan şirkətlərlə yerli biznes subyektləri arasında işbirliyinin fəal təşviqi, investisiya, potensial layihələrin icrası, enerji, ticarət, sənaye, rəqəmsal texnologiyalar, infrastruktur və digər sahələrdə əməkdaşlığın şaxələndirilməsinin əhəmiyyəti vurğulanıb. Diqqətə çatdırılıb ki, ölkələrimizin istehsal və ixrac potensialını qlobal miqyasda gücləndirən strateji tərəfdaşlıqları inkişaf etdirmək biznes tərəfdaşlığımızın başlıca prioritetlərindəndir.
Azərbaycanın Türkiyədəki ticarət nümayəndəliyinin və İstanbul Sənaye Palatasının təşkilatçılığı ilə ölkəmizə səfər edən 100-ə yaxın iş adamına Azərbaycanın iqtisadi potensialı, əlverişli işgüzar mühiti, sahibkarlar üçün tətbiq olunan güzəştlər, Ələt Azad İqtisadi Zonasında investorlar üçün yaradılan imkanlar barədə məlumat verilib. Qonaqlar, həmçinin Sumqayıt Sənaye Parkında müəssisələrin fəaliyyəti və sənaye zonalarında işbirliyi imkanları ilə tanış olublar.
Xatırladaq ki, 1952-ci ildə təsis edilən İSO Türkiyənin ən böyük sənaye təşkilatıdır. Baş qərargahı İstanbulda yerləşən İSO-nun əsas vəzifələri sənaye müəssisələrinin maraqlarını qorumaq və onları təmsil etmək, sənayenin inkişafına dəstək vermək, bu sahədə yerli və beynəlxalq əməkdaşlığı gücləndirmək, eləcə də üzv şirkətlərə təlim, məsləhət və xarici ticarət dəstəyi göstərməkdir. Hazırda tekstil, maşın və avadanlıqlar, kimya, qida və digər sektorlarda fəaliyyət göstərən şirkətlər də daxil olmaqla İSO-nun 24 minə yaxın üzvü var.

Azərbaycan İstanbul Sənaye Palatası (İSO) ilə potensial layihələrin icrasını müzakirə edib.
"Report" xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.
"İstanbul Sənaye Palatasının İdarə Heyətinin sədri Erdal Bahçıvanın rəhbərlik etdiyi nümayəndə heyətini ölkəmizdə qarşılamaqdan məmnun olduq. İSO-ya üzv olan şirkətlərlə yerli biznes subyektləri arasında işbirliyinin fəal təşviqini, potensial layihələrin icrasını, investisiya, enerji, ticarət, sənaye, rəqəmsal texnologiyalar, infrastruktur və digər sahələrdə əməkdaşlığın şaxələndirilməsini vurğuladıq", - deyə nazir qeyd edib.
M. Cabbarov iki ölkənin istehsal və ixrac potensialını qlobal miqyasda gücləndirəcək strateji tərəfdaşlıqları inkişaf etdirməyin biznes əməkdaşlığın başlıca prioritetlərindən olduğunu qeyd edib.
]]> admin Fri, 31 Oct 2025 23:22:56 +0400 Azərmash Leasing MMC ilə bağlı narazılıq davam etməkdədi https://presedenttv.com/iqtisadiyyat/1216-azrmash-leasing-mmc-il-bagli-naraziliq-davam-etmkddi.html https://presedenttv.com/iqtisadiyyat/1216-azrmash-leasing-mmc-il-bagli-naraziliq-davam-etmkddi.html Presedenttv.com xəbər verir ki, müştərilər avtomobillərinin yol ortasında söndürülməsindən şikayətçidirlər.
Babək prospektində yerləşən "Azərmash Leasing" adlı şirkətlə bağlı narazılıqlar artmaqdadır. Bildirilir ki, rəhbər şəxs İsa adlı bir nəfərdir və vətəndaşlar əsasən "Chevrolet Cobalt"markalı avtomobilləri bu şirkətdən lizinq yolu ilə əldə edirlər.

Şikayətçilərin sözlərinə görə, avtomobillərin həftəlik ödənişi 210 manat təşkil edir. Beləliklə, ayda ümumi məbləğ təxminən 1200 manata yaxınlaşır. Müştərilər qeyd edir ki, ödəniş gecikməsinə görə cərimələrini ödəmələrinə baxmayaraq şirkət  avtomobilləri uzaqdan yolun ortasında söndürür, bu da sürücüləri həm maddi, həm də psixoloji cəhətdən çətin vəziyyətdə qoyur.

Vətəndaşlar məsələ ilə bağlı aidiyyəti qurumlara müraciət edərək, nəzarətin və hüquqi tədbirlərin görülməsini tələb edirlər.

Xüsusi müxbir; İntizar 

]]> admin Thu, 16 Oct 2025 11:16:20 +0400 Daha bir kənd içməli su ilə təmin olundu https://presedenttv.com/iqtisadiyyat/1207-daha-bir-knd-icmli-su-il-tmin-olundu.html https://presedenttv.com/iqtisadiyyat/1207-daha-bir-knd-icmli-su-il-tmin-olundu.html
Presedenttv.com xəbər verir ki, Naftalan şəhərinin Qasımbəyli kəndində su təchizatı yenidən qurulub. Kənd əhalisi tam olaraq içməli su ilə təmin olunub. Bu barədə Azərbaycan Dövlət Su Ehtiyatları Agentliyindən (ADSEA) məlumat verilib.


Bu münasibətlə Qasımbəyli kəndində mərasim təşkil olunub. Mərasimdə Azərbaycan Dövlət Su Ehtiyatları Agentliyinin sədrinin müavini İlham Bayramov, Azərbaycan Dövlət Su Ehtiyatları Agentliyinin tabeliyində olan Regional Su Meliorasiya Xidmətinin İdarə Heyətinin sədri Zakir Quliyev, Naftalan Şəhər İcra Hakimiyyətinin başçısı Vüqar Novruzov, İcra Hakimiyyətinin və Agentliyin nümayəndələri, kənd sakinləri iştirak ediblər. Çıxışlar zamanı bildirilib ki, Naftalan şəhərinin Qasımbəyli kəndində əhalinin mərkəzləşdirilmiş su təchizatı sisteminin yaradılması məqsədilə Naftalan şəhərinin mövcud su təchizatı sisteminin imkanlarından istifadə etməklə kənddaxili şəbəkə sistemi inşa edilib. Bu məqsədlə 40-100 mm diametrli, 8.7 km su xətti çəkilib və 140 abonentə evə birləşməsi verilib. Əhaliyə verilən suyun dəqiq uçotunun aparılması və sudan qənaətlə istifadə məqsədi ilə hər bir abonent su sayğacları ilə təchiz edilib. Əlavə olaraq qeyd olunub ki, Qasımbəyli kəndinin əhalisi 438 nəfər təşkil edir ki, günlük suya olan 100 kub metr tələbatı yeni yaradılmış su təchizatı şəbəkəsi ilə tam təmin etmək mümkün olacaq. 

Qasımbəyli kənd sakinləri bu günü səbirsizliklə gözlədiklərini, yaradılan şəraitə görə Prezident İlham Əliyevə təşəkkürlərini bildiriblər.


Qeyd edək ki, Naftalan şəhərinin mövcud su təchizatı Qaraçay çayında inşa edilmiş infiltrasiya tipli su mənbəyindən Goranboy şəhərinə nəql edilən magistral su kəmərinə birləşmə verilməklə təmin edilməkdədir. Şəhər daxilində 3 meydançada su anbarı kompleksi, 2 nasos stansiyası, 43.6 km su şəbəkəsi, 39.4 km kanalizasiya şəbəkəsi, məhsuldarlığı 3000 kub metr olan tullantı sutəmizləyici qurğular kompleksi istismar edilir.

Xüsusi müxbir: İntizar Əmirova 

]]> admin Fri, 10 Oct 2025 11:06:01 +0400 Mənziliniz əlinizdən alınacaq - İyunun 3-nə qədər vaxt verildi https://presedenttv.com/iqtisadiyyat/928-mnziliniz-linizdn-alinacaq-iyunun-3-n-qdr-vaxt-verildi.html https://presedenttv.com/iqtisadiyyat/928-mnziliniz-linizdn-alinacaq-iyunun-3-n-qdr-vaxt-verildi.html Presedenttv.com xəbər verir ki, Rusiyada 2025-ci ildən etibarən mənzilini itirmə halları genişlənib. 
News24.az istinadan xəbər veririk ki, əsas risklər ipoteka və kommunal borclar, həmçinin mənzildən qeyri-qanuni istifadə ilə bağlıdır.
Əgər bir il ərzində üç ödəniş gecikdirilərsə, bank məhkəməyə müraciət edə və mənzil satışa çıxarıla bilər. Ailə tərkibi – hətta uşaqlar və əlillər olsa belə – çıxarılmanı əngəlləmir.
Kommunal borc: Altı ay ərzində ödəniş edilmədikdə, məhkəmə qərarı ilə mənzildən çıxarılma mümkündür. Əvəzində yalnız sosial kirayə ilə yataqxana otağı verilə bilər.
Qeyri-qanuni istifadə: Mənzil anbar, ofis və ya digər kommersiya məqsədilə istifadə olunursa və qonşular şikayət edirsə, ev məcburi satışa çıxarıla bilər ]]> admin Fri, 30 May 2025 11:46:59 +0400 Mixael Şumaxerin 2001-ci ildə idarə etdiyi “Ferrari F2001” avtomobili rekord qiymətə satıldı https://presedenttv.com/iqtisadiyyat/917-mixael-sumaxerin-2001-ci-ild-idar-etdiyi-ferrari-f2001-avtomobili-rekord-qiymt-satildi.html https://presedenttv.com/iqtisadiyyat/917-mixael-sumaxerin-2001-ci-ild-idar-etdiyi-ferrari-f2001-avtomobili-rekord-qiymt-satildi.html Almaniyalı Formula 1 əfsanəsi Mixael Şumaxerin 2001-ci ildə idarə etdiyi məşhur “Ferrari F2001” avtomobili Monakoda keçirilən hərracda 18,17 milyon dollara satılıb. Bu satış M.Şumaxerin idarə etdiyi Formula 1 avtomobilləri arasında indiyədək ən yüksək məbləğə satılan bolid olub.
Presedenttv.com “Stern” jurnalına istinadla xəbər verir ki, “RM Sotheby’s” tərəfindən təşkil edilən hərrac ilk dəfə olaraq aktiv Qran-Pri həftəsonunda Monte-Karlodakı “Paddock Club”da baş tutub. Təkliflərin 9 milyon dollardan başladığı hərracda alıcılar arasında gərgin mübarizə gedib. Nəticədə adı açıqlanmayan iştirakçı avtomobili əldə edib. Satışdan əldə olunan gəlirin bir hissəsi əfsanəvi pilotun adını daşıyan və sosial layihələri dəstəkləyən “Keep Fighting Foundation”a bağışlanacaq.
“Ferrari F2001” M.Şumaxerin Monako və Macarıstan Qran-prilərində qələbə qazandığı, onu dördüncü dünya çempionluğuna aparan bolid olub. Bu hərracla “F2001” 2022-ci ildə 13,2 milyon dollara satılmış “Ferrari F2003”ü geridə qoyaraq M.Şumaxerin avtomobilləri arasında yeni rekord müəyyənləşdirib.
Tarixdə ən bahalı Formula 1 avtomobili isə 2025-ci ildə 52,52 milyon dollara satılmış “Mercedes W196 Streamliner” olaraq qalır. Bu avtomobili vaxtilə Xuan Manuel Fanxio və Stirlinq Moss kimi əfsanəvi pilotlar sürüb. ]]> admin Sun, 25 May 2025 22:20:12 +0400 Azərbaycanda qaymaq, xama, pendir və kəsmik istehsalı azaldı https://presedenttv.com/iqtisadiyyat/915-azrbaycanda-qaymaq-xama-pendir-v-ksmik-istehsali-azaldi.html https://presedenttv.com/iqtisadiyyat/915-azrbaycanda-qaymaq-xama-pendir-v-ksmik-istehsali-azaldi.html Bu ilin yanvar-aprel aylarında Azərbaycanda 3 min 299,3 ton qaymaq və xama istehsal edilib.
Presedenttv.com Dövlət Statistika Komitəsinə istinadən xəbər verir ki, bu, 2024-cü ilin eyni dövrü ilə müqayisədə 6,9 % azdır.
Hesabat dövründə ölkədə pendir və kəsmik istehsalı illik müqayisədə 3,6 % azalaraq 17 min 487,7 tona çatıb.
Mayın 1-nə respublikada 0,2 ton qaymaq və xama ehtiyatı, 100,1 ton isə pendir və kəsmik ehtiyatı yaranıb.
Xatırladaq ki, 4 ayda Azərbaycanda 1 milyard 778,1 milyon manatlıq qida məhsulları istehsal edilib ki, bu da, illik müqayisədə 12,5 % çoxdur. ]]> admin Sat, 24 May 2025 14:30:40 +0400 Azərbaycanda çay istehsalı azaldı https://presedenttv.com/iqtisadiyyat/914-azrbaycanda-cay-istehsali-azaldi.html https://presedenttv.com/iqtisadiyyat/914-azrbaycanda-cay-istehsali-azaldi.html Bu ilin yanvar-aprel aylarında Azərbaycanda 3 min 602 ton çay istehsal edilib.
Presedenttv.com Dövlət Statistika Komitəsinə istinadən xəbər verir ki, bu, 2024-cü ilin eyni dövrü ilə müqayisədə 8,2 % azdır.
Mayın 1-nə ölkədə 48,5 ton hazır məhsul ehtiyatı olub ki, bu da 1 il əvvələ nisbətən 39,1 % azdır. ]]> admin Sat, 24 May 2025 14:00:08 +0400 Azərbaycan Prezidenti İlham Əliyevin Çinin Sədri Si Cinpin ilə geniş tərkibdə görüşü oldu. https://presedenttv.com/siyaset/781-azrbaycan-prezidenti-ilham-liyevin-cinin-sdri-si-cinpin-il-genis-trkibd-gorusu-oldu.html https://presedenttv.com/siyaset/781-azrbaycan-prezidenti-ilham-liyevin-cinin-sdri-si-cinpin-il-genis-trkibd-gorusu-oldu.html Aprelin 23-də Pekində Azərbaycan Respublikasının Prezidenti İlham Əliyevin Çin Xalq Respublikasının Sədri Si Cinpin ilə geniş tərkibdə görüşü olub. ]]> admin Wed, 23 Apr 2025 09:06:49 +0400 İlham Əliyev İranın yol və şəhərsalma nazirini qəbul etdi. https://presedenttv.com/siyaset/708-ilham-liyev-iranin-yol-v-shrsalma-nazirini-qbul-etdi.html https://presedenttv.com/siyaset/708-ilham-liyev-iranin-yol-v-shrsalma-nazirini-qbul-etdi.html Prezident İlham Əliyev son dövrlərdə Azərbaycanın və İranın yüksəksəviyyəli nümayəndə heyətlərinin qarşılıqlı səfərlərinin intensiv xarakter daşımasını məmnunluqla qeyd edərək, bunun ölkələrimiz arasında dostluğun möhkəmləndirilməsinə və ikitərəfli əməkdaşlığımızın daha da inkişaf etdirilməsinə yaxşı imkan yaratdığını dedi.
Dövlətimizin başçısı Fərzanə Sadiqin ölkəmizə səfəri çərçivəsində Azərbaycan-İran İqtisadi Əməkdaşlıq üzrə Hökumətlərarası Birgə Komissiyasının iclasının keçirilməsini müsbət qiymətləndirdi və Komissiyanın gündəliyində iqtisadi-ticari, energetika, nəqliyyat və digər sahələrdə əməkdaşlığımızın inkişaf etdirilməsi üçün vacib layihələrin olduğunu qeyd etdi.
Qonaq ilk növbədə İran İslam Respublikasının Prezidenti Məsud Pezeşkianın salamlarını dövlətimizin başçısına çatdırdı.
Prezident İlham Əliyev salamlara görə minnətdarlığını bildirdi, onun da salamlarını İran dövlətinin başçısına çatdırmağı xahiş etdi.
İranın ölkəmizlə münasibətləri bütün sahələrdə inkişaf etdirməkdə maraqlı olduğunu deyən Fərzanə Sadiq xalqlarımızın tarixi, mədəni, dini və qohumluq əlaqələrinin olduğunu bir daha vurğuladı.
Qonaq qeyd etdi ki, İran Prezidentinin ölkəmizə planlaşdırılan səfəri öncəsi Hökumətlərarası Birgə Komissiyanın iclasının keçirilməsi gündəlikdə duran vacib məsələlərin müzakirəsi baxımından olduqca əhəmiyyətlidir.
Görüşdə Şimal-Cənub nəqliyyat dəhlizinin inkişafı, Araz çayı üzərində Ağbənd və Kəlalə məntəqələrini birləşdirən avtomobil körpüsünün tikintisi layihəsi və qarşılıqlı maraq doğuran digər sahələrdə əməkdaşlıq məsələləri ilə bağlı fikir mübadiləsi aparıldı.
]]> admin Wed, 09 Apr 2025 08:59:30 +0400