Presedenttv.com xarici mediaya istinadla xəbər verir ki, bir gün əvvəl bu itkilərin liderlərindən biri kapitallaşması rekord həddə - 600 milyard dollar azalan “Nvidia Corp”un səhmləri olub. “Bloomberg Billionaires Index” reytinqinə görə, onun baş icraçı direktoru Censen Huan 20,1 milyard dollar və ya sərvətinin 20 faizini itirib ki, bu da milyarderlər arasında ən böyük paydır.

“Oracle Corp”un həmtəsisçisi Larri Ellison ən çox maliyyə vəsaiti itirənlər siyahısında ikincidir - 22,6 milyard dollar və ya sərvətinin təxminən 12 faizi. “Dell Inc” şirkətin icraçı direktoru Maykl Dell sərvətinin 13 milyard dollarını, “Binance”dən Çjao Çanpen isə 12,1 milyard dollarını itirib.

“Meta” şirkətinin rəhbəri Mark Zukerberq bir gün ərzində 4,3 milyard dollar varlanıb, “Amazon.com Inc”in rəhbəri Ceff Bezosun pulu 632 milyon dollar məbləğində artıb.

Bütövlükdə, “Bloomberg Billionaires Index”də itkilərin 85 faizini və ya təxminən 94 milyard dollarını texnoloji resurslar təşkil edib.

Çin startapı “DeepSeek” 2023-cü ildən süni intellekt modellərini inkişaf etdirir, lakin şirkət yalnız həftə sonu “DeepSeek R1” chat-botunun dünyanın bir çox ölkəsində ən çox yüklənən proqramlar siyahısında birinci yeri tutması ilə şöhrət qazanıb. Şirkət onun inkişafına cəmi 6 milyon dollar xərclədiyini və bunun investorları təəccübləndirdiyini bildirib. O, həmçinin dünyanın aparıcı İT şirkətlərinin oxşar inkişaflara milyardlarla dollarlıq investisiyalar tələb etməsini şübhə altına aldığını qeyd edib.