Vətənpərvərlər Maarifləndirmə İctimai Birliyinin təşəbbüsü ilə müqəddəs Ramazan ayı münasibətilə iftar süfrəsi təşkil olunub. Tədbir “Hollivud” restoranında keçirilib. Tədbirin həyata keçirilməsində restoranın müdiri İsgəndiyar Axundovun, Vətənpərvərlər İctimai Birliyinin sədri Aynur İsayevanın, İB-in təsisçisi Çingiz Bayramovun, Qazi Kamil Babayevin, İB-in sədrinin baş məsləhətçisi və Meditürk Medikal Center-in icraçı direktoru Humbətova Nailə Fəxrəddin qızının, Vətən-N Mühafizə xidmətinin sədri Etibar Qasımovun, İ.B-in icraçı direktoru Şaiq Xəlilovun, xüsusi əməyi və təşkilatçılığı olub.
Tədbir Azərbaycan Respublikası Dövlət Himninin səsləndirilməsi ilə başlayıb. Daha sonra Vətən uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib.
İftar süfrəsi zamanı Axund Mirzat Ağa tərəfindən Qurani-Kərimdən ayələr oxunaraq dualar edilib. Qonaqlar birlik və həmrəylik şəraitində iftar açaraq Ramazan ayının mənəvi dəyərlərindən bəhs ediblər.
Tədbirdə əsas qonaqlar sırasında şəhid anaları və 44 günlük Vətən müharibəsinin qaziləri iştirak ediblər. Şəhid anaları və qazilər iftar süfrəsində bir araya gələrək səmimi söhbətlər edib, xatirə şəkilləri çəkdiriblər.
Onlar çıxış edərək ürək sözlərini bölüşüb, belə mənalı tədbirin təşkilinə görə təşkilatçılara təşəkkürlərini bildiriblər.
Qazilər öz çıxışlarında Vətən müharibəsində qazanılan Zəfərin əhəmiyyətindən danışaraq vətənpərvərlik ruhunun daim yaşadılmasının vacibliyini vurğulayıblar. Şəhid anaları isə övladlarının xatirəsinin daim uca tutulmasına görə minnətdarlıqlarını ifadə ediblər.
Tədbir çərçivəsində qonaqlar üçün musiqi proqramı təşkil olunub. Gecə boyunca gözəl musiqilər səsləndirilib, müğənnilərin ifaları və rəqs havaları tədbirə xüsusi rəng qatıb.
Tədbirdə qeyri-hökumət sektorunun fəalları və ictimaiyyət nümayəndələri də iştirak ediblər. Qonaqlar arasında Aynur Zülfüqarova, Bakı Təlim Resurs Mərkəzinin rəhbəri Rauf Zeyni, Xocalı Soyqırımının Tanıtma İctimai Birliyinin sədri, jurnalist Şamil Sabiroğlu, Xətai Rayon Ağsaqqallar Şurasının sədri, şəhid atası Mürvət Əsgərov, Humbetova, Meditürk Medical Center-in icraçı direktoru Naile Fexreddin qizi, İB-in sədir müavini, İB-in baş məsləhətçi, Vətən - N Mühavizə Xidmətinin rəisi Etibar Qasımov, İB-in icraçı direktoru, dəstəkçi Xəlilov Şaiq, Milli Məclisin deputatları Vüqar İskəndərov və Ceyhun Məmmədov, eləcə də deputat köməkçisi Maksud Əhmədzadə iştirak ediblər.
Tədbirin aparıcısı TV1 kanalında yayımlanan “Ona sözünü de” verilişinin layihə rəhbəri və aparıcısı Turan Tükanova olub. O, tədbiri peşəkar şəkildə idarə edərək qonaqlara söz verib və proqramın gedişini təqdim edib.
Tədbirin təşkilində Vətənpərvərlər Maarifləndirmə İctimai Birliyinin sədri Aynur İsayevanın, İctimai Birliyin layihələr üzrə rəhbəri Aysel Şirinovanın, Həsənzadə Events qrupunun rəhbəri Şəfəq Həsənovanın, qrupun siması, rəssam Məryəm Oruclunun və Turan Tükanovanın da xüsusi əməyi qeyd olunub.
Eyni zamanda tədbirin media təminatında  tədbir boyunca çəkilişləri həyata keçirərək tədbirin işıqlandırılması və xəbər materiallarının hazırlanmasında fəal iştirak edən Prezident TV-nin baş redaktoru, təsisçisi və Vətənpərvərlər Maarifləndirmə İctimai Birliyinin xüsusi müxbiri İntizar Əmrovanın xüsusi əməyi olub. O, tədbir boyunca çəkilişləri həyata keçirərək tədbirin işıqlandırılması və xəbər materiallarının hazırlanmasında fəal iştirak edib.
Həmçinin Turan Tükanova, Şükufə xanım və digər qonaqlar çıxış edərək tədbir iştirakçılarını və bütün müsəlmanları qarşıdan gələn Ramazan bayramı münasibətilə təbrik edib, belə mənəvi dəyəri yüksək olan tədbirlərin cəmiyyət üçün böyük əhəmiyyət daşıdığını vurğulayıblar.
Sonda qonaqlar tədbirin yüksək səviyyədə təşkilinə görə təşkilatçılara təşəkkürlərini bildirərək, gələcək fəaliyyətlərində uğurlar arzulayıblar.

Baş redaktor: İntizar Əmirova