Tədbirin keçirilməsində əsas məqsəd Vətən uğrunda canından keçmiş qəhrəman şəhidlərimizin analarına ehtiram göstərmək, onların övladlarının əziz xatirəsini yad etmək və Beynəlxalq Qadınlar Bayramı münasibətilə onları təbrik etmək olub.

Tədbirdə şəhid anaları və qazilər iştirak ediblər. Çıxış edən analar övladlarının qəhrəmanlığından danışaraq onların xatirəsini qürur və ehtiramla yad ediblər. Qazilər də çıxış edərək şəhidlərimizin Vətən uğrunda göstərdikləri şücaətdən söz açıb, onların xatirəsinin hər zaman uca tutulacağını bildiriblər.

Tədbir çərçivəsində vətənpərvərlik mövzusunda musiqilər səsləndirilib, şəhidlərin əziz xatirəsi ehtiramla anılıb. Daha sonra şəhid analarına güllər və təşəkkürnamələr təqdim olunub.

Tədbirin davamında iştirakçılar üçün çay süfrəsi təşkil edilib, müxtəlif şirniyyatlar təqdim olunub. Sonda isə şəhid anaları ilə birlikdə xüsusi hazırlanmış tort kəsilib.

Qeyd edək ki, tort Mərdəkanda fəaliyyət göstərən “Ləziz kulinariya" şirniyyat evi tərəfindən şəhid analarına hədiyyə olaraq göndərilib. Tədbir iştirakçıları bu nəcib təşəbbüsə görə kulinariya kollektivinə təşəkkürlərini bildiriblər.

Tədbirdə iştirak edən şəhid anaları:

İsmiyeva Vüsalə Mirzəbaba qızı, Əhmədova Leyla Soltan qızı, Cəlilova Sevinc Muxtar qızı, Salahova Vəfa Nurəddin qızı, Rəhimova Gülhava Firudin qızı, Eyvazova Telli Rəşid qızı, Şabanova Rəna Müslüm qızı, Həsənova Sahibə Həsrət qızı, Novruzova Ruhsara Lətif qızı, Məmmədova Xuraman İldırım qızı, Hacıyeva Səxavət Caməmməd qızı, Qasımova Nigar Əhməd qızı, Abdullayeva Gülbəniz Heydər qızı, Məmmədova Zümrüd Sahir qızı, Məmmədova Əminə Məmmədhüseyn qızı, Həsənbalayeva Zərifə Hüseynağa qızı, Məmişova Əsli Gəncalıq qızı və Abbasova Ülviyyə Tofiq qızı.

Tədbirdə iştirak edən qazilər isə Daştiyev Soltanbəy, Abdullayev Zaur, Zülfüqarov Seymur, Məmmədov Emin, Cavadov Fəqan və Süleymanov Nemət olublar.

Belə tədbirlər şəhid ailələrinə göstərilən diqqət və qayğının bariz nümunəsi olmaqla yanaşı, cəmiyyətimizdə vətənpərvərlik ruhunun daha da güclənməsinə xidmət edir.

Xüsusi müxbir: İlham Əmirov