PresedentTv.com xəbər verir ki, yumurta boyamaq adəti ta qədimdən başlamışdır. Bu türk millətinin çərşənbələrdə və Novruz Bayramında qırmızı yumurta boyamaq adəti əcdadın və torpağın dirilməsi, canlanması, bir sözlə, oyanma-dirilmə ayini ilə əlaqədar olan ən qədim təsəvvürlərlə bağlı olduğunu göstərir. Yumurtanın nə rəng boyanması da fəsillərdən xəbər verir. Qırmızı rəngə boyanmış yumurta — yayı, yaşıl (göy) rəng — yazı, sarı — payızı, heç rənglənməmiş yumurta isə qışı bildirir. Yumurta adətlərimiz sırasında ən məşhuru Yumurta Döyüşdürmədir. Bu insanların ən əyləncəli oyunlarından biridir. Döyüşmədən əvvəl tərəflərin razılığı ilə yumurtalar dəyişdirilərək dişə vurulub bərkliyi yoxlanılır. Kimin yumurtası bərk olursa o qalib gəlir.  Çox sevindirici haldır ki, bu adətimiz günümüzə kimi gəlib çatmışdır. Novruz bayramında hər evdə yumurta boyanır, adətimiz yaşadılır və uşaqlarımız yumurta döyüşünün sevincini yaşayırlar.