Rusiya İstintaq Komitəsinin sədri Aleksandr Bastrıkin Peterburq Beynəlxalq Hüquq Forumunun sessiyası çərçivəsində çıxış edib. O, çıxışı zamanı miqrasiya ilə bağlı cinayətkarlıq, "Crocus City Hall" ticarət mərkəzində baş vermiş terror aktının nəticələri və Rusiya vətəndaşlığı almış şəxslərin xüsusi hərbi əməliyyatda iştirakı məsələlərinə toxunub.

 Hücum nəticəsində 147 nəfər həlak olub, 3 nəfər isə itkin düşmüş hesab olunur. Cinayət işinin materialları 500 cilddən ibarətdir, 2,5 min məhkəmə ekspertizası və hadisə yerinə 300-dən çox baxış keçirilib. İcraçılar da daxil olmaqla, 19 nəfər saxlanılıb.

Miqrasiya siyasətinə toxunan Bastrıkin bildirib ki, 2025-ci ilin yanvar-mart aylarında miqrantlar tərəfindən törədilən cinayətlərin sayı əvvəlki ilin eyni dövrü ilə müqayisədə 15 faiz artıb. Lakin ümumilikdə 2024-cü ildə miqrasiya ilə bağlı cinayətkarlıq təxminən 1 faiz azalıb.

Komitə rəhbəri miqrasiya mühitində radikallaşma təhlükəsinə xüsusi diqqət çəkib. O, ölkəyə daxil olan bütün şəxslərin məcburi biometrik qeydiyyatdan keçməsinin və əmək miqrantlarının ailə üzvlərinin Rusiyaya gətirilməsinin qadağan edilməsinin vacibliyini vurğulayıb. “Ən əsası heç bir arvad, uşaq, baba-nənə və ya ər olmamalıdır. Əmək miqrantı bura işləmək üçün gəlir”, – deyə Bastrıkin bildirib.

Ayrı bir mövzuya toxunan İstintaq Komitəsinin rəhbəri onu da əlavə edib ki, təxminən 80 min nəfər Rusiya vətəndaşlığı almış, lakin hərbi qeydiyyata alınmamış şəxs müəyyən edilib. Onlardan artıq 20 min nəfəri xüsusi hərbi