Presedenttv.com Misirin Nazirlər Kabinetinin saytına istinadla xəbər verir ki, bununla bağlı bu gün ümumi həcmi 600 milyon dollar qiymətləndirilən iki investisiya sazişi imzalanıb.

Tədbirdə iştirak edən Misirin Baş naziri Mustafa Mədbuli bildirib ki, ölkəsi elektrik enerjisinin istehsal güclərində bərpaolunan enerji mənbələrinin payını artırmağı planlaşdırır.

Qeyd olunur ki, layihə Misirin bərpaolunan enerji sahəsində imkanlarını gücləndirmək məqsədilə davam edən səylərin bir hissəsidir. Bu, Misirin 2030-cu ilədək enerji sistemində bərpaolunan enerji payını 42%-ə çatdırmağı hədəfləyən milli enerji strategiyasına uyğundur. Layihə Misirin enerji sektoruna keyfiyyətli bir əlavə kimi qiymətləndirilir və təmiz elektrik enerjisi istehsalını artırmaq, karbon emissiyalarını azaltmaq və yeni iş yerləri yaratmaq baxımından əhəmiyyətlidir.

Strategiya çərçivəsində bu gün, həmçinin Asuan regionunda Kom Ombo səhrasında “Amea Power” şirkəti tərəfindən 500 meqavat gücündə, 500 milyon dollar həcmində investisiya ilə tikilən “Abidos 1” günəş elektrik stansiyasının açılışı olub. Şirkətin rəhbəri Hüseyn əl-Nuvays bildirib ki, stansiyada 1 022 896 günəş paneli quraşdırılıb. Bununla da 256 min mənzil elektriklə təmin ediləcək. “Abidos 2” layihəsinin də həyata keçirilməsinə başlanıb.