Presedenttv.com xəbər verir ki, Xətai rayonunda küçə və parkların, məhəllə və binaların abadlaşdırılması, həyətlərin yenidən qurulması, yeni infrastrukturların yaradılması və yaşıllıqların salınması işləri uğurla davam etdirilir.

Rayon icra hakimiyyətindən verilən məlumata görə, 2 min nəfərə yaxın sakinin yaşadığı Sarayevo küçəsi ,13 ünvanında 1 hektar ərazidə abadlıq və quruculuq işləri aparılaraq həyət sakinlərin istifadəsinə verilib.
Görülən işlər çərçivəsində ətraf binaların fasadları və dam örtükləri əsaslı təmir edilib. Həyətdə yeni 4500 kvadratmetrdən çox sahəyə asfalt örtüyü salınıb, tamet daşlar düzülüb, 3500 kvadratmetr sahəyə yaşıl ot örtüyü əkilib, yeni bordürlər qoyulub. Zəbt olunmuş sahələr əhalinin ümumi istifadəsinə qaytarılıb, kiçik tullantılar üçün zibil qutuları qoyulub. Müasir işıqlandırma sistemi və təhlükəsizlik kameraları quraşdırılıb. Ərazidə 500 ədəd dekorativ kol və ağac əkilib, yaşıllıqlara aqrotexniki qulluq göstərilməsi üçün su xətləri çəkilib.
Sakinlərin asudə vaxtlarının səmərəli təşkili üçün həyətdə söhbətgah və oturacaqlar düzəldilib, müxtəlif növ uşaq oyun elementləri və idman qurğuları quraşdırılıb.