Türkiyə və Qazaxıstan ticarət dövriyyəsini 15 milyard dollara çatdırmağı hədəfləyir
Bu barədə Türkiyə Prezidenti Rəcəb Tayyib Ərdoğan iyulun 29-da Ankarada Qazaxıstan Prezidenti Kasım-Jomart Tokayevlə birgə mətbuat konfransında bildirib.
Türkiyə lideri xatırladıb ki, hələ 2009-cu ildə Ankara Astananı Türkiyənin strateji tərəfdaşı elan edib, üç il əvvəl isə iki ölkə arasında münasibətlər “genişləndirilmiş strateji tərəfdaşlıq” səviyyəsinə qaldırılıb.
Ərdoğan qeyd edib ki, Qazaxıstan iqtisadiyyatına Türkiyə sərmayələrinin həcmi 5 milyard dollara çatıb, Qazaxıstanın Türkiyəyə yatırdığı investisiyalar isə 1,5 milyard dollar həddinə yaxınlaşıb. “Türkiyə inşaat podratçı şirkətləri indiyədək Qazaxıstanda ümumi dəyəri 30 milyard dollar olan 500-dən çox layihə həyata keçirib”, - deyə Ərdoğan bildirib.
