Türkiyənin ali təhsil müəssisələrində xarici mütəxəssislərin sayı məhdudlaşdırılacaq
Bu barədə müvafiq qanun layihəsi Türkiyə Böyük Millət Məclisinin (parlamentin) plenar iclasının gündəliyinə daxil edilib.
Qanun layihəsinin müəllifləri qeyd ediblər ki, ali təhsil sistemində bu dəyişiklik kadr siyasətinin daha səmərəli şəkildə planlaşdırılmasına imkan yaradacaq.
Türkiyə Ali Təhsil Şurasının (YÖK) məlumatına görə, 2023–2024-cü tədris ilində ölkə universitetlərində müqavilə əsasında 3 minədək xarici mütəxəssis çalışıb. Müqaviləli əsasda fəaliyyət göstərən xarici müəllimlərin əksəriyyətini İran, Azərbaycan, ABŞ və Suriya vətəndaşları təşkil edib.
Xüsusilə vurğulanıb ki, Türkiyənin ali məktəblərində çalışan azərbaycanlı mütəxəssislərin sayı 235 nəfər olub. Onlardan 39-u professor, 13-ü isə dosent elmi adını daşıyır.
