PresedentTv.com xəbər verir ki, İsveç gömrüyü 2010-cu illərin “spice” dalğası zamanı istifadə edilənlərə bənzər sintetik maddələr olan kannabis müsadirələrinin kəskin artdığını qeyd edib. Bu birləşmələr həmin dövr İsveçdə çoxsaylı zəhərlənmə və ölüm hallarına səbəb olub.
AZƏRTAC xəbər verir ki, bu gün yeni sintetik kannabinoidlər əvvəllər olduğu kimi otların üzərinə deyil, bilavasitə kannabisin üzərinə səpilir. Bu, məhsulu xüsusilə təhlükəli edir, çünki istifadəçi onun gücünü və ya tərkibini müəyyən edə bilmir. Ekspertlər xəbərdarlıq edirlər ki, maddə çox vaxt adi marixuana və ya çətənə kimi görünür.
Ən çox yayılmış yeni maddələrdən biri olan ADB-4en-PINACA 2024-cü ilin yayında aşkar edilib və artıq oxşar narkotiklər arasında üstünlük təşkil edir.
2025-ci ilin əvvəlindən martın 18-dək 25 kiloqrama yaxın maddə və 100-dən çox siqaret müsadirə edilib ki, bu da əvvəlki illərlə müqayisədə bir neçə dəfə çoxdur.
Bəzi partiyalar Çexiya və Slovakiyadan göndərilib, lakin maddənin mənşəyi hələ müəyyən edilməyib. Gömrük vəziyyəti son dərəcə həyacanlı hesab edir.