Almaniyanın paytaxtı Berlin şəhər-əyalətində keçirilən seçkilərdə Sol Partiya (Die Linke) tarixi qələbə qazanıb.

Presedenttv.com xəbər verir ki, partiyanın namizədi, Türkiyə əsilli siyasətçi Elif Eralpın rəhbərliyi altında partiya səslərin təxminən 25%-ni toplayaraq, birinci yeri tutub. Bu nəticə Sol Partiyanın Berlin tarixində indiyədək əldə etdiyi ən yüksək göstəricidir.

Seçki kampaniyası zamanı əsas diqqət mənzil böhranı və yüksək kirayə haqlarına yönəldilib. Eralp böyük mənzil şirkətlərinin milliləşdirilməsini vəd edib. Məlumata görə, hazırda Sol Partiya Yaşıllar və Sosial Demokrat Partiyası ilə koalisiya danışıqlarına başlamağa hazırlaşır.

Elif Eralp 1981-ci ildə Almaniyanın Münhen şəhərində anadan olub. Onun valideynləri 1980-ci ildə Türkiyədəki hərbi çevrilişdən sonra siyasi səbəblərə görə Almaniyaya köçüblər.

Elif Eralp ixtisasca hüquqşünasdır, Hamburq Universitetində hüquq təhsili alıb. 2010-cu ildən Berlinə köçüb və Sol Partiyanın hüquq siyasəti üzrə məsləhətçisi olub.