Presedenttv.com xəbər verir ki, Azərbaycanın ərazi bütövlüyü uğrunda canından keçən igidlərimizdən biri olan şəhid Elvin Abbasovun əziz xatirəsi ehtiramla yad olunur.
Elvin Abbasov 1993-cü il iyunun 17-də Şamaxı rayonunun Çarhan kəndində anadan olub. 2013-cü ildə müddətli həqiqi hərbi xidmətə çağırılan Elvin Abbasov 2013–2015-ci illərdə Azərbaycan Silahlı Qüvvələrinin Füzuli rayonunda yerləşən “N” saylı hərbi hissəsində xidmət edib.
Azərbaycan Ordusunun əsgəri olan Elvin Abbasov 2020-ci il sentyabrın 27-də başlanan Vətən müharibəsində iştirak edərək torpaqlarımızın işğaldan azad olunması uğrunda gedən döyüşlərdə böyük şücaət göstərib. O, noyabrın 8-də Şuşa istiqamətində gedən döyüşlər zamanı ağır yaralanıb və 14 gün sonra Ağcabədi Rayon Xəstəxanasında şəhidlik zirvəsinə ucalıb.
Göstərdiyi igidliyə və şücaətə görə Azərbaycan Respublikasının Prezidenti İlham Əliyevin sərəncamları ilə Elvin Abbasov ölümündən sonra “Vətən uğrunda” və “Xocavəndin azad olunmasına görə” medalları ilə təltif edilib.

Şəhidlərimizin əziz xatirəsi daim qəlbimizdə yaşayacaq. Onların qəhrəmanlığı gələcək nəsillər üçün örnəkdir.

Baş redaktor: İntizar Əmirova