Redaksiyamıza daxil olan foto və video materiallarda 77-JN-314 dövlət qeydiyyat nişanlı Mercedes Atego markalı yük avtomobilinin odun qırıntıları daşıdığı iddiia edilir.
Mənbələrə görə, avtomobil Embavoodun distrebuturu, qəbələli  iş adamı Aqil adlı şəxsə məxsus olduğu bildirilir. Eyni mənbələr daşınan odun qırıntılarının mənşəyi və daşınmasının qanuniliyi ilə bağlı suallar olduğunu iddia edir.
Ekoloji təhlükəsizliyin qorunması və meşə fondunun mühafizəsi baxımından belə məlumatların operativ şəkildə araşdırılması böyük əhəmiyyət daşıyır. Bu səbəbdən aidiyyəti dövlət qurumlarının sözügedən görüntüləri araşdıraraq daşınan yüklərin mənşəyinə, qanunvericiliyin tələblərinə uyğunluğuna və bütün zəruri sənədlərin mövcudluğuna aydınlıq gətirməsi xahiş olunur.
Redaksiyamız məsələ ilə bağlı rəsmi qurumların və adı hallandırılan şəxsin mövqeyini dərc etməyə hazırdır. Araşdırmanın nəticələri məlum olduqca oxucularımıza əlavə məlumat təqdim ediləcək.