Presedenttv.com xəbər verir ki, Kıvanç Tatlıtuğ və Başak Dizerin oğlu Kurt Efe anası ilə birlikdə çəkdirdiyi yeni görüntülərlə gündəmə gəlib. İşıqlarla bəzədilmiş rəngarəng məkanda gəzən ana-oğulun şən anları sosial mediada böyük maraq doğurub.

2016-cı ildə ailə quran Kıvanç Tatlıtuğ və Başak Dizer 2022-ci ildə oğulları Kurt Efenin dünyaya gəlməsi ilə valideyn olublar. Şəxsi həyatlarını mümkün qədər mediadan uzaq yaşamağa üstünlük verən cütlük zaman-zaman sosial media hesablarında ailəvi görüntülərini izləyiciləri ilə bölüşür.

Başak Dizer son paylaşımında oğlu ilə birlikdə işıqlarla bəzədilmiş məkanda çəkilən fotolarını yayımlayıb. Rəngli işıqlar arasında gəzən ana-oğulun şən və səmimi görüntüləri qısa müddətdə izləyicilərin diqqətini çəkib.

Fotolarda Kurt Efenin böyüdüyü və boy atdığı da nəzərlərdən qaçmayıb. Balaca Kurt Efenin anasının yanında verdiyi sevimli pozlar sosial mediada çoxsaylı bəyənmə və şərh alıb.