PresedentTv.com xəbər verir ki, pişiklərin mənşəyinə dair geniş DNT araşdırması milyonlarla ev pişiyinin əcdadlarının Anadoludan bütün dünyaya yayıldığını ortaya çıxardı! Nature Ecology & Evolution jurnalında dərc olunan araşdırmada elm adamları həm müasir ev pişiklərinin, həm də qədim pişik qalıqlarının DNT-sini araşdırıblar.
Nəticələr heyrətamiz idi! Pişiklərin əcdadları olan vəhşi pişiklər Felis silvestris lybica-nın təxminən 10 min il əvvəl Anadoluda əhliləşdirilməyə başladığı müəyyən edilmişdir. Kənd təsərrüfatı cəmiyyətlərinin formalaşdığı bu dövrdə taxıl anbarları siçanları özünə çəkir, siçanlarla qidalanan vəhşi pişiklər insanlara yaxınlaşmağa başlayır. İnsanlar bu "təbii siçan ovçularına" dözdükcə pişiklər tədricən əhliləşdi.
Anadoluda başlayan bu proses tacirlər və dənizçilər vasitəsilə pişiklərin bütün dünyaya yayılmasına səbəb oldu. Bundan əlavə, tədqiqat ikinci bir genetik nəslin də Qədim Misirdən yayıldığını ortaya qoydu. Yəni həm Anadoludan, həm də Qədim Misirdən dünyaya yayılan pişiklər bu gün bizim sevimli dostlarımız oldu.