Məlumatda ABŞ-da sərgilənən bu nadir əsərin elmi təhlillər, arxiv sənədləri və şahid ifadələri ilə Türkiyəyə qaytarıldığı bildirilir.

Açıqlamada, diplomatiya, hüquq və elmin birgə gücü ilə, Nyu-York Manhetten Bölgə Prokurorluğu və ABŞ Daxili Təhlükəsizlik İstintaq İdarəsi ilə birgə həyata keçirilən bu proses təkcə bir heykəlin qaytarılması deyil, tarixi uğur kimi qiymətləndirilib.

Türkiyənin mədəniyyət və turizm naziri Mehmet Nuri Ersoy bununla bağlı verdiyi açıqlamada deyib: “Bu, uzunmüddətli bir mübarizə idi. Biz haqlı, qətiyyətli, səbirli idik və qalib gəldik. Dişimizlə-dırnağımızla lazım olan sübutları topladıq və fəlsəfi düşüncəli imperator Markus Aureliusu aid olduğu torpaqlara geri qaytardıq. Markus Aureliusun heykəlinin ölkəmizə dönüşü illərdir davam edən haqq axtarışımızın konkret nəticəsidir. İstər ölkə daxilində, istərsə də xaricdə olsun, qaçırılmış bütün mədəni irsimizə sonadək sahib çıxmaqda qərarlıyıq. Türk arxeologiyasının önəmli ismi, mərhum professor Jale İnanın rəhbərliyi ilə başlanan bu prosesdə əməyi keçən Burdur Muzeyimizə, Boubon qazıntı qrupumuza, xüsusilə də Mədəni İrs və Muzeylər Baş İdarəsinin qaçaqmalçılıqla mübarizə şöbəsinə təşəkkür edirəm. Həmçinin Markus Aureliusun heykəlinin ölkəmizə gətirilməsində verdikləri dəyərli dəstəyə görə “Türk Hava Yolları”na minnətdarlığımı bildirirəm”.

Nazir heykəlin çox yaxın vaxtda ankaralılar üçün açılacaq sürpriz bir sərgidə nümayiş etdiriləcəyini bildirib.