Livanın Baş naziri: İran bizim daxili işlərimizə qarışmayacaq
Baş nazirin sözlərin görə, o, bu tələbini keçən həftə Beyruta səfər edən İran Milli Təhlükəsizlik Şurasının katibi Əli Laricaniyə çatdırıb. O, Livanın İranla münasibətlərinin “hörmətə əsaslandığını” deyib və əlavə edib: “İran dost dövlətdir, lakin suverenliyimizi qorumaq əsasında. Mesajımız aydındır: İran bizim işlərimizə qarışmayacaq”. Aun vurğulayıb ki, Hizbullahın silahları məsələsi “Livanın qərarıdır və İranla heç bir əlaqəsi yoxdur”.
Baş nazir bildirib ki, ABŞ-ın elçisi Tom Barak tərəfindən təqdim edilən təklif “İsrailin geri çəkilməsini və Livan iqtisadiyyatının dirçəldilməsini” ehtiva edir. Onun sözlərinə görə, Livanın iki seçimi var: ya Amerikanın təklifini qəbul edəcək, ya da təcridlə üzləşəcək. “Lakin təklifin şərtlərini həyata keçirmək üçün heç bir təminat almadıq. Biz Vaşinqtonun və İsrailin Tom Barakın planını təsdiqləməsini gözləyirik”, -deyə o əlavə edib.
