Levan Davitaşvili: Tbilisi Quru Limanı Orta Dəhlizin inkişafında mühüm rol oynayacaq
Bu sözləri Gürcüstan Baş nazirinin müavini, iqtisadiyyat və davamlı inkişaf naziri Levan Davitaşvili jurnalistlərə açıqlamasında söyləyib.
Onun sözlərinə görə, Quru Liman kimi strateji layihələrin reallaşdırılması Orta Dəhlizin də inkişafında mühüm rol oynayacaq. Bu multimodal infrastruktur yalnız yük və tranzit daşımaları üçün deyil, eyni zamanda, müxtəlif nəqliyyat və logistika əməliyyatları çərçivəsində əlavə dəyər yaradır və bu da ölkə iqtisadiyyatına mühüm töhfə verir.
“Biz Orta Dəhlizi sadəcə yükdaşımaları marşrutu kimi deyil, mürəkkəb nəqliyyat və logistika ekosistemi kimi görürük. Bu cür layihələr çərçivəsində iqtisadiyyatın müxtəlif sahələrində dəyər zəncirləri yaranır. Məhz bu baxımdan Tbilisi Quru Limanı kimi infrastruktur obyektlərinin inkişafı mühüm əhəmiyyət kəsb edir”, - deyə nazir vurğulayıb.
