Presedenttv.com xəbər verir ki, qanlı hadisə ölkənin Xeybər-Paxtunxva vilayətində qeydə alınıb. Partlayıcı yüklü avtomobil məscidin yaxınlığındakı obyektlərdən birinə çırpılaraq işə salınıb.

Qanlı insident nəticəsində 15 nəfər həyatını itirib, 50-dən çox insan isə müxtəlif dərəcəli bədən xəsarətləri alıb. Yaralananlar arasında polis əməkdaşlarının da olduğu bildirilir.

Zərbənin gücündən ibadət evinin binasına ciddi ziyan dəyib. Ərazidə xilasetmə və hüquq-mühafizə orqanlarının əməkdaşları fəaliyyətini davam etdirir.

Terror hücumu ilə bağlı məsuliyyəti hələlik heç bir qrup üzərinə götürməyib.