2027-ci ildə vergi borclarının idarə olunması, sahibkarlığın dəstəklənməsi və investisiyaların təşviqi istiqamətində yeni tədbirlər həyata keçiriləcək.

Presedenttv.com xəbər verir ki, bu barədə "Yeni Sabah"a Maliyyə Nazirliyindən məlumat verilib.

Məlumata görə, 2027-ci ildə gəlirlər sahəsində həyata keçiriləcək əsas istiqamətlər ölkənin iqtisadi inkişafını sürətləndirmək, rəqabət qabiliyyətini gücləndirmək və investisiya mühitini daha cəlbedici etmək məqsədi daşıyır.

Planlaşdırılan tədbirlər çərçivəsində vergi borclarının idarə olunması sahəsində daha çevik yanaşmaların tətbiqi və könüllü ödəniş intizamının gücləndirilməsi nəzərdə tutulur.

Bununla yanaşı, sahibkarlığın dəstəklənməsi, strateji sahələrə investisiyaların təşviqi, vergi və gömrük inzibatçılığı mexanizmlərinin təkmilləşdirilməsi istiqamətində də addımlar atılacaq.