G20 ölkələri ərzaq ticarətindən siyasi məqsədlər üçün istifadə olunmasını pisləyib.

Presedenttv.com xəbər verir ki, bu barədə ABŞ-nin Miluoki şəhərində keçirilən G20 Ticarət və İqtisadi İnkişaf Nazirlər Görüşünün yekunlarına dair birgə bəyanatda bildirilib.

Bəyanatda qeyd olunub ki, ərzaq ticarətinin siyasi məqsədlərlə məhdudlaşdırılması ciddi humanitar və iqtisadi təhlükə yaradır, qlobal bazarlara və ticarət sisteminə inamı sarsıdır.

Nazirlər ərzaq və kənd təsərrüfatı məhsullarının geosiyasi güzəştlər əldə etmək məqsədilə tədarükünün məhdudlaşdırılması və ya bloklanması ilə bağlı narahatlıqlarını ifadə ediblər.