PresedentTv.com xəbər verir ki, süni intellekt qarşıdakı 10 ildə iş dünyasında böyük dəyişikliklərə səbəb olacaq”.

Bu sözləri “Microsoft”un qurucusu milyarder Bill Qeyts qatıldığı televiziya verilişlərindən birində deyib.

O, süni intellektin (AI) bir çox sektorda rolunun artdığını və bu transformasiyanın iş həyatında köklü dəyişikliklər yaradacağını bildirib.

Biznesmen 2035-ci ilə qədər insanların iş həyatındakı hökmranlığının sona çatacağını iddia edib.

Qeyts bildirib ki, süni intellekt insanları işlərindən tamamilə uzaqlaşdırmayacaq, əksinə, daha səmərəli və daha sürətli işləyərək vaxtlarına qənaət edəcəklər. O düşünür ki, iş saatlarının qısalması ilə insanlar diqqətini daha çox mənəvi işlərə yönəldə biləcəklər.

Milyarderin fikrincə, süni intellekt xüsusilə təhsil və səhiyyə sektorunda inqilab edəcək. Süni intellektlə dəstəklənən tibbi və tədris xidmətlərini pulsuz etməklə bütün dünyada bərabər imkanlara nail olmaq olar.