Bu gün Azərbaycanda 27 Sentyabr – Anım Günü qeyd olunur.
Anım Günü 2020-ci il sentyabrın 27-də başlayan Vətən müharibəsində Azərbaycanın ərazi bütövlüyünün bərpası uğrunda canından keçən şəhidlərimizin əziz xatirəsinə dərin ehtiramın ifadəsidir.
Bu əlamətdar gündə ölkənin müxtəlif bölgələrində şəhidlərin məzarları və xiyabanlar ziyarət olunur, onların xatirəsi yad edilir, ruhlarına dualar oxunur. Şəhid ailələri və qazilər diqqət və ehtiramla yad olunur.
Vətən müharibəsi Azərbaycan tarixinin mühüm səhifələrindən biri kimi xalqımızın yaddaşında qalır. Döyüşlərdə həyatını itirən hər bir şəhidin xatirəsi xalq tərəfindən daim yaşadılır.
27 Sentyabr – Anım Günü münasibətilə bütün şəhidlərimizin əziz xatirəsini dərin ehtiramla yad edir, onların ailələrinə səbir və möhkəm cansağlığı arzulayırıq.
Allah bütün şəhidlərimizə rəhmət eləsin.
Ruhları şad, məkanları cənnət olsun!
presedenttv.com Xəbərin doğru ünvanı